Ministry of Home Affairs chuan Mizoram Chief Secretary hnenah lehkha rawn thawnin Mizoram, Manipur leh Nagaland State a Protected Area Regime thlahdul mek chu December 31, 2011 atang khan kum khat dang atan a pawhsei leh thu a rawn hriattir.

He lehkhathawna tarlanah hian thu delhkilh siam an ni a. Chungte chu- Afghanistan, China leh Pakistan atanga ram dang mi Manipur, Mizoram leh Nagaland tlawh tum te tan Ministry of Home Affairs phalna an lak a ngai ang; Indo-Myanmar ram ri atanga 16kms aia hla a cheng Myanmar khua leh tui heng State pathum tlawh tum tu te pawhin Ministry of Home Affairs phalna an lak hmasak a ngai ang; ram dang mi heng State pathum tlawh tu te chu an tlawhna District huamchhunga Foreigners Registration Officer (FRO) hnenah darkar 24 chhungin an inziaklut ngei tur a ni. India khua leh tui nilo Missionary ten Manipur, Mizoram leh Nagaland an tlawh duh a nih chuan Visa Manual Chapter 8 in a sawi angin ‘Missionary Visa’ an lak a ngai bawk a ni.