Vawiin khan Pu Jacob Lalawmpuia, Addl DC hovin Article 275 (1) hnuaia Mamit District tana Project hmuhte Line Department hrang hrangte nen thlirhona neih a ni.

Meeting kaihhruaitu Pu Jacob Lalawmpuia chuan Mamit District chu Aspirational District kan nih angin kan hmabakah tihtur tam tak kan neia, Article 275(1) hmanga hmasawnna hna hrang hrang thawhna tur kan hmuhte pawh a tha thei ang bera thawk turin Line Department te kan in buatsaih a tul thu a sawi a, Line Department ten hnathawhna tur sum kan hmuhte chu tha taka thawh a nih theihnan Department Head te pawhin kan District chhunga hnathawhte uluk taka vil turin a chah a.  District Bawrhsap Office atang pawhin theih ang anga monitoring tih tum a nih dawn thu a sawi. Tuna hmasawnna hnathawhna tura kan pawisa hmuhte chuan kan Project siamte duhthusamin a daihlo a nih pawhin theihtawp chhuaha kan thawhchuan Project dang dapchhuah lehna kawngah pawh a puih dawn thu a sawi bawk.

Article 275(1) hnuaiah hian Mamit District chhung tan Line Department hrang hrang atanga Project 15 te chu pawm a ni a, Heng Department hrang hrangte hi Detailed Projects Report (DPR) siam tura tih niin, Report hi 20th May, 2019 aia tlai lovah District Bawrhsap Office ah thehlut tura tih an ni bawk.

Meeting-ah hian Article 275(1) Project in a kaltlang Line Department hrang hrangte an tel a ni.