Tukin zing dar 6:30Am khan Bazar Traffic Point-ah Local Administration Department, MADC buatsaihin Clean Siaha Drive hawnna hun hman a ni. He Clean Siaha Drive-2019 hawnna hun hi Pu K. Beingiachhie, Senior Local Administration Officer, MADC chuan a kaihruai a ni.

Vawiin Clean Siaha Drive-2019 hawnna programme a khuallian Pu K. Siakhai, Adviser to Chief Executive Member, MADC chuan hawnna thuchah sawiin, kan Siaha khawpui faina tur hian MADC emaw NGOs ang pawhin hma kan la nasa hle thin a, zawm erawh a hlawh lo hle in a lang a. Kan taksa leh kan thuamhnaw te hi fai hle mahse kan In leh a chheh vel a fai silo chuan faina tluantling a ni lo a ni tiin, Pathian Ni a faina lama harh em em, a tuk thawhtan ni atanga zuzi leh si thin ringtu kan tam lutuk te hian kan Kristian dante pawh hi zir fe tham a ni, a ti a. Pathian Lehkhabu-ah pawh "Fai hi Pathian anna a ni" tiin min zirtir a, chu chu keini ringtute chuan kan zawm mai tur a ni, a ti bawk. Tifaitu kan nih loh pawhin tibaltu chu nih i tum lo theuh ang u tiin vawiin programme chhimtute chu a fuih hlawm a ni.

He Clean Siaha Drive-2019 hawnna hi Rev VL. Ngaia Hlychho chuan Pathian hnena inhlantirna hun a hmang a, Pu A. Chhualai leh Nl. Jessica B. Khuhly te chuan thiam takin mipui kalkhawmte chu zaiin an awi a ni.

Pu Henry PL. Hnaihly, S.O., LAD, MADC chuan lawmthu sawina in vawiin Clean Siaha Drive-2019 Launching programme hi a titawp a ni.

Attachment

  • Loading attachment...