Nihnih awh, Krishi Unnati Mela-2019, 28-29 January 2019, Vengthar Field a ICAR Research Complex for NEH Region, Mizoram Centre, Kolasib in a buatsaih chu, Pu C. Lalrinsanga, Minister, Agriculture, Irrigation and Water Resource, Co-operation chuan khuallian niin a kharna hun hmanpui a, Pu K. Lalrinliana Minister, Food & Civil Supplies, Fisheries & LAD pawh Khual zahawm niin he hunah hian a telve bawk. Pu Lalhmingthanga IAS, Commissioner & Secretary, Agriculture Department, Govt. of Mizoram leh State department a hotu pawimawh tamtak te leh ICAR lam atanga scientist, Krishi Vigyan Kendra te, College of Veletrinary Science, selesih, Coffee board, Rubber board te mai bakah NGOs te leh kuthnathawktu tamtak te pawh in he hun hi an chhim ani 

Dr. N. Prakash, Director, ICAR Research Complex for NEH Region, Umiam, Meghalaya chuan Minister te, mithiamte leh kuthnathawk tu pungkhawm te lawmna thu sawiin, Krishi Unnati Mela-2019 buatsaih a nih chhan te leh KUM-2019 hman a nihdan tlangpui a tarlang a. Agriculture technology thar te hmunkhat a pho chhuah hi India sawrkar tum a nih dan leh Doubling farmers’ income by 2022 chu India sawrkar hmachhawp a nih zia a sawi bawk. Chutih rualin, kuthnathawktute lakluh a double theihna tur chuan dahthatna, kawng tha leh zawrh chhuah lamah tan kan lak a ngai ani ati.

Khuallian Pu C Lalrinsanga chuan kuthnathawkte deh chhuah leh thar chhuah te a hmuhpui thei chu hlu a tih thu sawiin kauthnawkte thawhrimna chu ropui a tih thu a tarlang bawk. Hun an hman mek chuan hun lo kal tur a tana tanna petu nise a duhthu a sawi a kuthnathawkte tana hmalakna tur hrang hrang hmachhawp a awm mek thu a sawi bawk a ni. ICAR Kolasib chu kum 2002 a a tlawh tawh thu sawiin chumi atang chuan an hmalakna te zau zawk leh kuthnathawkte nena thawhona tha zawk an nei tih a hmuh thu tarlangin chumi rah atanga vawiin ni anga farmers te nena inbantawnna, intlawhpawhna hun remchang tak kutpui kaltlanga huaihawt a ni chu thil hlawkthlak leh chhinchhiah tlak tak a nih thu a sawi bawk a ni. Hun lo la kal zel tura Agriculture Department tan pawh hmathlir ti nei zautu leh hmalak ti nuamtu a nih a beisei thu a sawi a, farmers te pawn ICAR a thawk mithiam te chu ralkhat en mai loa thiana siama kawng hrang hranga an harsatna te leh thil hriatthiam loh te inthlahrung loa zawt zel turin kalkhawm kuthnathawkte a chah a, India Sawrkarin Mizoram kuthnathawkte tana a rawn dah an nih angin tangkai thei ang bera hmang turin a chah bawk a ni. Minister chuan farmers te hnathawh na kawnga an puih bakah an thil dehchhuah buaipuina kawngah (post harvest) KVK te hnathawh chu thil lawmawm tak anih thu sawiin chu chuan KVK hlutzia pawh a pholan thu a sawi bawk.

He huna khuazahawm Pu K. Lalrinliana, Minister of State, Food, Civil Supplies & Consumers Affairs, Fisheries & LAD chuan Krishi Unnati Mela-2019 hi ICAR Mizoram Centre, Kolasib in a Mizoram a vawikhatna atan a Kolasib ngei a buatsaih chu lawmawm a tih thu sawiin, kuthnathawktute hamthatna atan leh an income ti sang tur a hmalakna pawimawh zia a sawi bawk. Agriculture kan kalpui dan piah lamah Mizote chu 70% te lonei a eizawng kan nih laiin, loneituten an hlawkna tur ang an hmuh zawhloh avang a sawrkarin SEDP pawh hemi kawng a hmasawnna nasa tak kan hmuh theih nan duan anih thu a sawi. Kan ram sik leh sa mil a lo neitute leh kuthnathawktute hi kalphung felfai leh hlawk zawk a, tunlai thiamna hnathawk theitur a buatsaih a tul tiin, chutiang tur chuan mithiam te thawk ho turin a rawn ani. Thlai leh buh chi tha thar thei chi he Mela a phochhuah te hi hman tangkai theih anih thu sawiin, ICAR leh agriculture a mithiam te tanrual a tul hle ani ati. Buh leh sangha khawi pawlh pawh kalpui theih a nih zia leh a hlawk zia sawiin, he Mela atanga inzirchhuah leh zirthiam hi a beisei tlat a ni tiin a sawi. Kan ram lui sangha te humhalh a tul zia pawh tarlangin, Zoram luia sangha te tihpun a pawimawh ani ati bawk.

Dr. I. Shakuntala, Joint Director, ICAR Research Complex for NEH Region, Mizoram Centre, Kolasib chuan Minister te leh, Officials hrang hrang te leh Krishi Unnati Mela-2019 buatsaih anih theihnan tha leh zung seng zawng te hnenah lawmthu sawiin, hun a khar a ni.