Vawiin khan Extension Education Institute North Eastern Region, Jorhat leh State Agricultural Management & Extension Training Institute (SAMETI), Agriculture Department, Mizoram-te tangkawpin ni hnih (2) awh tur "Regional Workshop on Implementation of Central Sector Schemes and Training Planning of Extension EducAtion Institute North East Region and SAMETI's of North Eastern State" hawnna programme chu Tourist Lodge Chaltlang-ah neih a ni a. Agriculture Minister Pu C.Lalrinsanga chu khuallian a ni.

Pu C. Lalrinsanga chuan Regional Workshop on Extention Schemes and Training Planning for EEI Mizoramin a thleng thei chu lawmawm a ti a. He ni hnih chhung hian hlawhtling taka hun an hman a duhsak thu a sawi. Agriculture Science nasa takin a thang a, Central leh State pawhin agriculture hmasawnna turin ruahmanna thar tam tak a siam a, loneitute thiamna tipung zel turin ATMA pawhin training leh a kaihhnawih thildanGte a buatsaihsak thin tiin hei hi farmer ten an hlawkpui ngei a beisei thu a sawi. Agriculture Minister chuan a ram mite milin environment tichhe lo tur zawnga agriculture kalpui tul a ti a, hemi atana pawimawh tak organic farming pawh Mizoramah a tahtawla kalpui a ni, a ti.

Central Sawrkar Scheme pawimawh tak Extension Reform Scheme hi Mizoramah pawh kum 2005 atang khan Agriculture Department-in a lo kalpui tawh a, kum 2011 ah thawktu tharte la in hmalakna zau zawka kalpui a ni. Workshop neih mek hi North Eastern State pariatte leh West Bengal tana buatsaih a ni a. A tum ber chu agriculture leh a kaihhnawih horticulture, veterinary, fisheries leh sericulture kaltlanga Central Serctor Schemes te North East State hrang hranga kalpui a nih dan thlirhona neih te, hlawk zawk leh awmze nei zawka heng scheme kalpui dan tur ngaihtuah te leh kum 2020-2021 chhung atana State ten agriculture leh a kaihhnawihah training an mamawh dan thlirho te a tel a ni.

He workshop hawnna programme ah hian Pi Lalhrangliani, Additional Secretary, Agriculture Department chuan kalkhawmte lawmna thu a sawi a. Director of EEI (NER) Dr PK Neog chuan thu kamkeuna sawiin Director (ET) Department of Agriculture and Cooperation & Farmers' Welfare (DAC & FW) Dr Prashant Armorikar chuan he workshop nih phung te sawifiahin Pu R.K. Nithanga, Director SAMETI, Mizoram chuan lawmthu sawiin hawnna inkhawm hi tihtawp a ni a. Technical session neih chhunzawm a ni. 

Attachment

  • Loading attachment...