Pu C. Ngunlianchunga, DM & R Minister chuan vawiin khan Special Blind School, Durtlang ten Teachers’ Day an lawm chu a hmanpui a, lawm na inkhawm hi Pu Arsiliana, Executive Secretary, Samaritan for the Blind in a kaihruai a ni.

Minister chuan  Zirtirtute Ni ah hian zirtirtute pawimawh zia leh an hlut zia te hre thar lehturinzirlai te chu a chah a. Zirtirtute chuan an naupangte chu khawngaihna leh lainatnate nen enkawl a, he zirna In hian naupangte kal zelna tur a hril lehzual avangin naupangte chu an zirtirna kawngah theih tawp chhuah zel turin a chah. Minister chuan naupangte chu khaw eng hmu fiah lo te an nih avanga indawm kun mai lovin  mite tih theih kan ti ve thei a ni tih rilru pu turin a chah.

Pu Ngunlianchunga hian he school tan hian vawk note 5 leh a chawm zui nana thla ruk chhung an ei tur  pigfed a pek bakah guitar leh infiamna hmanrua engemaw zat a pe.

Special Blind School hi Samaritan Association for the Blind enkawl a niin 1^st May, 2001 khan din a ni a, he school atang hian mi 17 in Matric an pass tawh a, BA pass te pawh an awm tawh a ni. Tun dinhmunah hian zirtirtu 11 leh naupang 30 pawl 1 atanga pawl 10 thleng an awm. Naupangte hi Mizoram hmun hrang  hrang atanga kal khawm an ni a, School Hostel ah  man chawi lova enkawl an ni.