4935/2025-2026

Dated : Mamit the 20th of March, 2026 : Pu C. Sawivunga, Hon'ble Minister, Art & Culture chuan nizan khan Ronpur, Assam-a Thangram Cultural Meet-2026 Thangram Indigenous People Movement leh Mizo Zirlai Pawl te'n an buatsaih chu a tawp zanah Khual lian niin a hmanpui.

Khushi lian chuan Thangram Cultural Meet hmang tura kalkhawmte chibai bukin, Zo hnahthlak peng hrang hrangte chu kan chenna leilungin min daidang rih mahse kan unauna erawh engmahin a then hrang tur a nilo a ti a. Kan awmna hmun theuhah India khua leh tui tha kan ni tur a ni a, khua leh tui tha in a tih tur hrang hrangte midangte tana hnawklo tura khawsak kan tum tur a ni a ti. Cultural meet zalen leh hlim tak, boruak muanawm tak hnuaia hman a ni chu thenawm State Assam Sawrkar chungah lawmthu a sawi bawk.

Thangram Cultural meet hman a nih theihna tura hmahruaitu hrang hrangte chungah lawmthu sawiin, he hun hman a nih theih nana sulsutu pawimawh leh Zofate inlungrualna leh inremna ngaipawimawh Mizoram Chief Minister hmalakna a fakawm hle a, Mizo Zirlai Pawl leh Thangram Indigenous People Movement te chungah lawmthu a sawi bawk. Cultural meet hman a ni chuan Thangram chhehvela cheng Zofate inlungrualna tha leh zual thlen se a duh thu sawiin, Mizo Culture vawng nung zel chungin Zonun zemawi tlawmngaihna,ais upate zahna, hawihhawmna te chhi chhuak zel ila,Zofatw tana Pathianin a hun ruat a thlen hunah chuan engmah daidangtu neiloin kan la khawsa ho dawn a, chumi thleng thei tura kan awmna hmun theuhah mizo kan nihna inhrereng chunga mawi taka khawsa turin kalkhawmte a chah a ni.

Pu Lalmuanpuia Punte, MLA Adviser to CM pawhin thusawiin, Thangram leh a chhhevela chengte chu Mizoram Sawrkar chuan a lawm che u a, British hun lai atangin zofate chu hmun hran hranah then darh kan ni a, insuihkhawm lehna tura ram hruaitu, tlawmngaipawl hrang hrang kaltlanga hmalakna-ah hmasawnna hmuh a ni zelte hi Pathian hian min hriatpui tlat a ni tih a chiang a, a hunah chuan ram khatah inlungrual takin kan la khawsa ho dawn a ni a ti bawk.

Thangram Cultural Meet hmanna hi Ronpur Assam-ah neih a ni a, Kum 2021 khan Cultural Meet hi lo neih a ni tawh bawk. Helai chhehvelah hian Chorei, Sakachep, Hrangkhawl, Ranglong, Molsom leh Kaipeng te an cheng a ni.

Horticulture Minister hian Zawlnuam a Horticulture Department rama mau sawngbawlna hmun tur tlawh nghalin, buaipui ngai la awmte a theih anga ranga bawhzui a tum thu a sawi.

Thangram Cultural Meet tawp zan Ronpur-a hmanah hian Dr. C. Lalremruata, President, MZP leh Ronpur khawtlang aiawhte atangin thusawina ngaihthlak a ni a, Mizo Zirlai Pawl, Cultural Troupe te leh Thangram chhunga cheng te'n hnam lam chi hrang hrang an entir bakah zaithiamte an zai bawk a ni.

Pu C. Lalsawivunga, Minister hi Pu Lalsangliana, Secretary, AH & Very, Pu CH. Lalmuanpuia, Director Horticulture, Pu F. Lalthanmawia, Jt. Director, Art & Culture, Pu Vanlaltlana Zote, PS leh Pu B. Lalchamliana, DHO, Mamit te'n an tawiawm a ni.