4936/2025-2026 

Dated Siaha, the 20 March, 2026: Vawiin chawhnu dar 1:00P.M. khan DC Mini Conference hall, Siahaah District Water & Sanitation Mission Committee-an ṭhukhawm a, Pu Vanlalchhuanliana, SDO (Sadar) chuan he hun hi a kaihruai.

Pu Vanlalchhuanliana chuan member kal khawmte inlawmna thu sawiin, tui chu mi tin mamawh; a tel lova awm theih loh a ni a, chuvangin Public Health Engineering department chauh ni lovin department hrang hrang nen tuihna tipung tura thingphun kawngah emaw tui kawng enkawl leh ruahtui khawlkhawm chungchangah emaw ṭanrual a ngai a ni, a ti.

Er. Viasai Solo, Member Secretary, DW&SM leh Sr. EE PHED Siaha district nibawk chuan kum hmasa lama committee hmalakna hrang hrang a tarlan bakah state leh national lam aṭanga committee kal zel dan tura ruahmanna an lo siam a sawi a, rorel neih chhunzawm a ni.

Member Secretary Er. Viasai Solo chuan Jal Jeevan Mission hi kum 2019 a bulṭan niin kum 2024-ah a tawp tawh a, chutih rualin hemi scheme hnuaiah hian programme kal lai eng emaw zat a awm thu a sawi. March 8 aṭanga 22 hi Jal Mahotsav (Water Festival) 2026 a ni a, hemi pual hian khaw hrang hrangah Jal Arpan Diwas leh Lok Jal Utsav hman a nih thu a tarlang bawk.

Jal Jeevan Mission hnuaia hnathawh reng reng hi khaw tina khawtlang ṭangrual thlanchhuah, district committee-in a thlitfim leh state-in a pawmpui hnua thawh ṭhin chauh ni mah se khawvel hmasawnna leh thil thleng danglam zelah enzui ngai awm nia hriat anih avangin service improvement plan siam nise tih chu sawiho a ni a, lungrual taka pawm tlan a ni.

Thingtlang khaw tinin tui hnianghnar zawka an neih theihna tur leh department mite thiamna khawtlangin an chhawr theihna tura hma la turin District Technical Unit din tura tih anih angin din a ni a, member-te chu:-
1. Leader – Executive Engineer, PHED, Saiha WATSAN Division, Siaha
2. Consultant – Superintending Engineer, PHED, Lunglei WATSAN Circle, Lunglei
3. Secretary – Sub-Divisional Officer, PHED, Maintenance Sub-Division, Siaha

Member te:
1. Sub-Divisional Officer, PHED, Rural WATSAN Sub-Division, Siaha
2. Hydro-geologist, PHED, Aizawl
3. Chemist, District Laboratory, PHED, Siaha
4. All Junior Engineers, PHED, SAIHA WATSAN Division, Siaha

Vawiin ṭhutkhawmah hian District Water & Sanitation Mission Committee an tel kim hle a - Pu M. Misael, PD, DRDO, Dr. Lalchhuanliana, Dy. CMO, Pu T. Beihronga Deputy Conservator of Forests (MADC), Er. Lalmuanpuia, SDO, PHED, Pu John Lalnunsanga, DIPRO aiawh leh PHED official-te an tel a, Chairman-in lawmthu sawina a neih hnuin ṭhutkhawm ṭin a ni.