Vawiin chawhma dar 11:00 khan Pu Chawngtinthanga Parliamentary Secretary, Education etc. chuan Govt. Residential Zirtiri Science College a tlawh a, chawhnu lamah Hrangbana College a tlawh bawk.
Tunlaia thil thleng Aizawl a College hrang hrang ah admission chang lo zirlai engemaw zat an awm tih chung chang chu thil awmdan zir chiang tur leh zirlaite harsatna an tawh dante College hmun ngei a enfiah turin Pu Chawngtinthanga, Parliamentary Secretary leh MSU hruaitute chuan Govt. Residential Zirtiri Science College hi tlawh hmasa in College Building leh Class room ah te fang kual in College dinhmun te an en fiah hmasa a, hemi hnu hian Principal, Lecturer leh MSU hruaitute nen zirlai ten harsatna an neih te sawi hona hun tha tak inpawh tlang taka an hman bakah College ten an harsatna leh an mamawh te an lo thlen bawk a ni.
Hemi hnu hian Parliamentary Secretary chuan Hrangbana College a tlawh leh a, he tah hian Principal leh Lecturer leh MSU hruaitute nen zirlai ten Admission a harsatna an neih chung chang te sawi hona hun te neiin hma lak chhoh dan tur ruahmannate sawi hona hun neiin, inkawmna hun tha tak an hmang bawk a ni.
