Pu C. Ngunlianchunga Minister of A.H & Vety, DM & R leh Printing & Stationary chuan tunlai hian Champhai leh a chheh vel hmun hrang hrang a fang kual.

Dt.8th May, 2014 zing dar 7 atang khan Minister hian Serchhip lam atanga kalin Farkawn, Vaphai te a fankual hnuin Dt. 9th chhun dar 12 khan Khuangleng a RFID-(Radio Frequency Identification Dellice) Microchip Implantation in Mithun (Sial Chhinchhiahna) chu a hawng nghal a ni.

Minister chuan Champhai chu Mizoram a ran lo luhna khaw pawimawh tak pakhat a nih avangin ran hrisel mipui te’n kan ei theih ngei na tur a AH & Vety in tan lak a tum thu sawiin, dawhkan atanga Lal taka hnathawh mai an tum loh thu leh a chengker thleng pawh a enfiah a hmuhpui chu an tum dan a ni tih sawiin Ram mipui te tan hna kan thawh sak tur a ni tih chu a tum a nih thu leh chumi hlawhtlinna atan mipui te tawiawm thatna erawh an mamawh thu a sawi bawk a ni. Ruling nih vanga hawi sang mai lovin lui luang anga hniam taka awm in, fintu leh zawmtu neih ngah a pawimawh thu a sawi bawk.

Tun sokar hian ram hmasawnna tur chhawpchhuah a ngah hle a, chumi ti hlawhtling tur chuan Sokar hnathawk te pawhin sorkar thawhpui an thiam tur a ni tiin Pu C.Ngunlianchunga chuan thawhhona tha neih a pawimawh dan hrang hrang a sawi a, NLUP leh kuthnathawka tha thawh tak tak te chu Sokar in a hlamchhiah dawn lo a ni a ti.

Khuanglenga Sial chhinchhiahna hawng theia a awm chu lawmawm a tih thu sawiin Minister chuan Sial Vulhtute hmakhua ngaia tih a nih thu sawiin AH & Vety in ran vulh danah kalphung thar an duang mek a, a tha ber a nih loh pawn a dawttu tal nih tum a ke an pen mek thu a sawi a ni.

Minister hian tukin zing dar 7 atang khan Champhai a Vety Office Complex hrang hrang a fang kual nghal a. CHAMUL-Bawnghnute khawlchhia pawh siam tha leh tur a hma lak pui dan tur a sawipui nghal a ni. Hemi hnu hian Zotlanga Vety Dispensary leh a hmun hma te tlawh kual leh nghal a, Vety Doctor dah a tum thu minister hian a sawi nghal a ni.

Minister rawn tawiawmtu Pu T.Sangkunga MLA pawh in Champhai leh a chhehvel an tlawh kual dan sawiin Sokar hian a chuang ruih nilovin a tul tak tak mipui leh khawtlang tana tha, din chhuah pui tur chi an ngaihtuah a ni tiin Champhai chu Sial leh ran dang vulh nan a tha a, Sial hi feet 3000 chung lamah chauh vulh that theih a ngaih a nih avangin he mi ti hmasawn tur a sial chhinchhiah na pawh Champhai-ah rawn hawng(inauqurate) an nih thu a sawi. Mizoram mai nilo thawm chhuah thu thlenga neih tum a nih dan sawiin ran te hi a pulh hma ngei a hri danna a ven a tul thu sawiin tun a kan ran vulh a suak tam tak hi a dik (original) a thlak vek tum a hmalak a nih dan a sawi bawk.

Champhai 3185.85 Sq.Km-a zauah hian Kum 2011 census ang chuan mi 125370 an cheng a, khua 150 a awm a ni. hetah hian District Vety Office pakhat awm in 6.2.1990 ah dina ni a, state Vety hospital pakhat a awm a, State Vety Dispensary a awm bawk a ni. Tunah hian Tuipui hnarah Ran talhna (Slaughter House) sak mek a ni bawk.

Champhai kawtchhuah pawimawh tak Kanan Veng a nikum lam atang a leimin tawlh reng, dinhmun hlauhawm tak a awm reng chu tukin zing khan Minister hian uluk takin Champhai District bawrhsap Pu Sangdingliana leh Officer dangte nen an en a, hmalak zel dan tur an sawiho nghal a ni.

Pu C.Ngunlianchunga’n Champhai leh a chhehvel a fan kual naah hian a nupui Pi KR Chhingpuii leh Pu T.Sangkunga MLA, Pu K.Lianzuala, Chairman KVI Board, Dr. LB Sailo , Director, AH & Vety leh Vety Doctor thahnem takin an rawn tawiawm a ni. Vawiin chhun hian Aizawl lam pan in an haw thla ang.