January 8, 2020 (Wednesday) khan Pu F.Lalnunmawia MLA,  Vice Chairman Horticulture Development Board chuan Bangkok a FAO Regional Office for Asia and the Pacific  a tlawh a, Mizoramah thei leh thlai thar chhuah tihpun,  sawngbawl leh hralhna lamah awmze nei zawka hmalak a nih theih nan  'Technical support' pe turin a sawm a ni. 

Horticulture Development Board Vice Chairman hi Dr. Vanlaltanpuia MLA leh Chairman, Mizoram Youth Commission, Dr. Lalrinchhana Dy. Secretary, Planning Dept leh Dr. C.Lalsangzuala, Member MYC ten an ṭawiawm a, FAO lam atangin Ms. Xiangjun Yao, Regional  Coordinator for Asia and the Pacific, Dr. Aziz Elbehri, Sr. Policy Officer, Dr. Illias Animon, Forestry Officer,  Dr. Pierre Ferrand, Agriculture Officer ten lo dawngsawngin inkawmna hun ṭha tak an nei a ni. 

He inkawmnaah hian Pu F.Lalnunmawia chuan Mizoram sawrkar flagship programme SEDP ti hlawhtling turin  Mizor sawrkar chuan theihtawp a chhuah mek a, Mizoramah kut hnathawktute thei leh thlai thar chhuah tihpun, sawngbawl leh hralhna kawngah awmze nei zawka hmalak a nih theih nan FAO hian technical support Mizoram sawrkar pe tura a sawm bakah thawhhona tha mamawh a nih thu a sawi a ni. 

FAO hotute chuan Mizoram atanga sawmna chu lawmawm an tih thu sawiin; India sawrkar Ministry of Agriculture leh FAO India kaltlangin Mizoram mamawh concept paper thehlut turin an rawn a. Hun remchang hmasaah thawhho theih dan sawiho leh nise an ti a ni.

Attachment

  • Loading attachment...