Agriculture Minister Pu H Liansailova chuan vawiin khan Assembly Annex Hall-ah Rev. Dr. P.L. Lianzuala’n Rev Dr. P.Fraser’n Mizoram a bawih chungchang leh bawih chhuah an nih theih nan a rawngbawl leh hnathawh dante ziahna lehkhabu ‘Rev. Dr. Fraser bawi chhuah duh vanga hnawl’ tih chu a tlangzarh.

Pu H Liansailova chuan Dr Fraser chu Pathian thusawi a rawngbawltu ropui leh damlo enkawltu a nih bakah mahni mihring puite phuarna phelhtu leh bawih chhuah anih theih nan a hmalatu ropui tak a ni a ti a. He lehkhabu hi thangtharte tan chhawrtlak leh rawntlak a nih ngei a beisei thu a sawi bawk.

Lehkhabu tlangzarhna inkhawm hi Pu C Ropianga, IAS(Retd) in kaihruaiin, Pu C Vanlallawma chuan lehkhabu sawi hawnna hun a hmang a. Pu Joseph Lalhimpuia MLA chuan lawmthu sawina hun a hmang bawk a ni. Lehkhabu tlangzarh inkhawm a hian Assembly Deputy Speaker bakah MLA engemaw zat an tel.