Vawiin chhun dar 12:30 khan Kawlkulh daia Chhimluangtlang hmuna Integrated Watershed Management Programme(IWMP), chhawrtu(User) te tana sak Seminar Hall Rs. 3,50,000 a sak chu bialtu Minister Pu H.Rohluna'n a hawng.

Minister chuan hawnna a thusawiin, state sorkar a ni emaw central a tanga sum lo kal pawh nise, sum ringawt hi beisei lova taimakna nena project in a tum ang taka langtlang thei hna thawk turin a chah ani.

He Kawlkulh IWMP Champhai 1 project hi kum 2009 atanga bul tan niin Watershed Development atan hian Rs. 59 lakh chuang hret sen a ni tawh a. ‘User’ chhungkaw 29 in hactare 73.5 a zau an enkawl mek a, Self help group 10 an awm bawk.

He project IWMP Champhai 1 hi DOS&WC Khawzawl enkawl lai a ni a, Project Director DRDA Champhai in District Level in a vil bawk. He Land Development hnuaiah hian bench terrace hactare 73 a zauah siam niin nikum lamah Dawnfawh, Hmazil, thlai hrang hrang leh buh thahnem tak an lo thar chhuak tawh. Minister hi Champhai DRDA Project Director leh a staff te leh Kawlkulh leh a chhehvel a miten an tawiawm a ni.