Ni 23.2.2017 (Ningani) chawhma Dar 11:00 khan Tokalo  a Nizung chakna hmanga Tui Pump chhuahna Scheme (Tokalo Solar Pumping Water Supply Scheme) cheng nuai 207.71/- senga siam chu khuallian Pu Hiphei, Hon'ble Speaker, Mizoram Legislative Asembly in a hawng. 

Tokalo Water Supply Scheme hawnna inkhawm hi Pu Zodintluanga, PHED Minister in a kaihruai a, Introductory Speech a sawina-ah PHED Minister chuan Tokalo khua a Nizung chakna hmanga tui pump thlen  a nih hi, Tokalo khaw mipuite tluk zetin ka lawm a ni, a ti a. Tokalo Water Supply Scheme hlawhtlinna kan hmu hi kan PHED Minister hmasa Pu S.Hiato hnathawh rah a ni bakah, kan CM  Pu Lal Thanhawla kaihruai sawrkar chak takin  Mizoram hmun kilkhawr  bera chengte harsatna pawh a vei zia a ti lang chiang hle a ni, a ti bawk. 

Tokalo Water Supply Scheme hawnna-ah hian khuallian Pu Hiphei chuan thu sawiin, Tokalo khua hi Siaha District a khawhlun ber pawl a mi niin; nikumah khan a kum za tlinna  pawh an lo lawm tawh a. Tokalo khua hi tlangchhip hmun thengthaw nuam tak leh hrisel taka awm nimahse,  Siaha District chhunga PHED ten Gravitational Force hmanga tuipek theih lohna khua awm chhun a nih avangin namen lova tui harsatna khua a ni a. A khua pawhin tui harsatna avangin a than-thulh phahin, Population pawh a pung chak lo hle mai a. MDC Constituency-ah pawh voters tlemna ber an ni hial reng a ni.  Mahse nikum April thla atang khan rilru pawhin a ngaihtuah phaklo Nizung chakna hmanga khua a tui lakluh a lo ni mai hi Pu Lal Thanhawla kaihruai Sawrkar chak taka Department leh Mithiam rualte kaltlanga Pathian hnathawh a ni ka ti loh theilo a ni, a ti a. Tunah chuan Tokalo khaw mipuite Tui avanga an manganna leh harsatna chu tihkiana a lo awm ta hi Tokalo khawmipuite tan chauh nilo, he Solar Pumping hlawhtlin nana thawktu Department, mimal leh Contractor te tan pawh Ni chhinchhiah tlak tak a ni ngei ka ring. Tun atang chuan Tokalo Solar Pumping Water Supply Scheme, enkawl leh venhim hna hi Tokalo khaw mipuite ko-ah a innghat tawh a, kangmei leh misual laka venhim te, tuihna humhalh te,  Solar Pumping Installation venhim leh tihfai hna te hi Tokolo khaw mipuiten lungrual taka PHE Department hi in thawhpui reng a ngai dawn a , in Solar Pump tlo leh tlo loh thu-ah mipui ten mawhphurna sang tak in neih tih hi hre reng ang che u, a ti bawk. 

Tokalo Solar Pumping water Supply Scheme hawnna inkhawm ah hian Pu RT. Zachono, CEM, MADC, Er. Lalmuanzova, E-in-C, PHED leh Pu HC. Khaitua, VCP Tokalo ten thu sawina hun an hmang a. Er. C. Lalremsiama, CE, Zone-II, PHED chuan Technical Report pein, Technical Report a alan dan  chuan he Tokalo Solar Pumping Water Supply Scheme  sum hi NRDWP (National Rural Drinking Water Project) atanga hmuh a ni a, a siam hna hi P&V Eastern Engineers, Bawngkawn, Aizawl ten  an thawk a ni. 

Tokalo Water Supply Scheme hian mihring lo pung zel pawh nise kum 2041 thlenga Tokalo khaw mipui chawmzo tura ngaih a ni. He Solar Pumping Sysrem hi Asia khawmualpui a Head sang ber niin, 525meter lai a ni. Nikhatah everage in Tui hi 25000litre a pump chhuak thei a, Ni asat that ni chuan 30000lire lai pawh a pump chhuak thei dawn a ni. 

He Scheme hi 3.8.2015 a Approve niin, 4.1.2016 khan hnathawh tan a ni a,hnathawh atanga thla 17-na, 4.6.2017 a thawh zawh tura tih a nih laiin, a thawh Ni atanga thla 5-na 27.4.2016 khan thawh zawh hman a ni a, hei hi Mizoram chhung Contract hnathawhah chuan thil thleng zen zen lo a ni. He Solar Pump hian a Solar Module 84 nei in, Module khat hian watt 250Wp pechhuak theiin,  kum khatah Energy a pekchhuah thei zat chu 35600 Units a ni. 

Programme hi Rev. T. Beipathai, ECM Tokalo bialtu Pastor in Devotion hmangin, Er H. Duhkima, S.E. PHED, Lunglei in lawmthu sawina in he hun hi a titawp a ni.

Attachment

  • Loading attachment...