Vawiin khan Tuirial bialtu MLA Pu Hmingdailova Khiangte, Parliamentary Secretary chuan Kawnpui Zone Football Association buatsaih Tuirial bial chhung huap, 2nd MLA Cup Football Tournament kharna hun chu Khuallian niin a hmanpui.

Kharna hun hmannaah hian Khuallian Parliamentary Secretary chuan Mizo te Football lama kan tui chhoh avangin Football khawvel-ah India ram dinhmun chu kan chawisang thei a ni a ti a, tunlai thalai tam tak te ruihhlo avanga an buai lai a, ruih theih thil laka fihlim infiammi engemaw zat awmte chu innghahna tlak tura an nun uluk tur leh en chakawm tura thiam turin a fuih bawk.

He MLA Cup ah hian tuirial bial chhung atangin Senior team 17 leh Under-16 team 8, an vaiin team 25 an chhuak a, Khuallian chuan Champion team te hnenah lawmman Trophy leh pawisa fai a hlan nghal a ni.