Mizoram pum huap Gorkha thalai inkhawmpui vawi 40-na chu nimin khan Synod Mission Development Training Centre Hall, Bualpuiah Tuirial Bialtu MLA Pu Hmingdailova Khiangte, Parliamentary Secretary chuan Khuallian niin a hmanpui.

Khuallian chuan Gorkha Thalai khawmpui atan hian bati chhi kaiin, Conference tluang tak leh hlim taka hmang turin duhsakna a hlan a. Gorkha Thalai zinga mi hmingtha 3 te tana chawimawina an siam chu a hlan nghal a ni. Khuallian chuan thalai te'n nu leh pa, chhungkua mai nilo ram enkawl turin mawhphurhna sang tak kan nei tih inhriat a tul a, hemi kawng atan hian thalai te insuihkhawm a pawimawh a ni a ti.

MGYA hnuaiah hian Sub-Headquarters pakhat awmin, Branch hrang hrang 16 an nei mek a; Mizoram pumah Member 3476 an awm mek bawk a ni. Bualpui Branch bikah hian Member 225 an awm mek bawk.

Attachment

  • Loading attachment...