Vawiin khan Tuirial A/C Bialtu MLA Pu Hmingdailova khiangte chuan Thingdawl Venglai Community Hall ah pawl 10 zirlai titha te chawimawina hun a hmanpui.

Khuallian chuan zirlai titha kalkhawm te a lawmpui thu sawiin , pawl 10 pass mai duh tawk loin  a aia sang zir chhunzawm zel a, tum nei a lehkha zir a pawimawh thu a sawi a, Zirlai tan chuan tum ruhna leh taimakna a pawimawh thu sawiin ruihhlo, zuk leh hmuam chungchangah mahni inthunun a pawimawh thu a sawi bawk. Khuallian chuan Kolasib District a HIV/AIDS kai an tam ta lutuk chu thil vei awm tak  ani tiin mipat hmeichhiatna kawng bakah damdawi hmansual lakah te insum a, he natna tih dam theiloh lak ata fihlim a pawimawh hle a, chhungtin ina tan kan lak thar a ngai ani a ti bawk. He huna zirlai titha te tan chuan thil lawmawm tak anih rualin pass that ringawt hi a tawk tawh lova tum mumal neia zirna kawng zawh a hun tawh hle a ni a ti. Hetih rual hian tun tuma hlawhtling talo te pawh beidawng mai loin tan la sauh sauha bei nawn turin a chah a, tum ruhna nen chuan an la hlawhtlin ngei a rin thu a sawi bawk ani.

He hun hi V.Lalchungnunga, President Sub-Hqrs MZP Thingdawl in a kaihruai a, Pu H.Lathuthlunga, VC Member, Sub-Hqr MZP Adviser ni bawk chuan zirlai kalkhawm te hnenah fuihna thu a sawi ve bawk a ni.