Vawiin khan Kolasib Bialtu MLA Pu PC Zoram Sangliana chuan CZS Higher Secondary School Mipa Hostel sak thar  a hawng.

Pu Zoram Sangliana chuan CZ Higher Secondary school chu tun hnai mai a full fledged Governemnt School a hlankai anih mai bakah mipa awmna tur hostel sak zawh alo ni ta chu thil lawmawm tak ani tiin Sawrkar in zirlai leh thalaite hmakhua a ngaihtuah hle a kawng hrang hranga Sawrkar hmalakna te chu tha taka thlawp turin kalkhawm te a chah a. khuallian chuan zirlai naupang kalkhawm te chu fuih in, tum nei a lehkha zir a pawimaw thu a sawi a, tui zawng leh zir tum chu in anglo mahse mumal taka zirna kawng zawh a pawimawh thu a sawia. Zirlai tan chuan insumtheihna leh mahni inthunun a pawimawh thu sawiin ruihhlo leh mipat hmeichhiatna lakah te insum a, tum ruhna leh taimakna nen Pathian tih tlat chunga lehkha zir chhunzawm a hlawhtling ngei turin kalkhawm zirlai te chu a chah a ni. Zofa ten National mai bakah International thlengin hnuhma kan nei hi ropui a tih thu sawiin Kolasib District in infiammi chhuanawm tak tak te a nei thei chu Bialtu MLA nih ti nuamtu leh thil lawmawm tak anih thu a sawi bawk a, Kolasib Nula Lalremsiami'n tun hnaia Mizoram a tih hmingthat na chu thil lawmawm tak leh chhinchhiah tlak tak a nih thu a tarlang bawk a ni.

Tun tuma Mipa hostel sak thar hi MLA Fund cheng nuai 6 leh sing sarih senga sak a ni a, zirlai naupang 20 awm theihna tura ruahman niin warden room leh choka a awm bawk a ni.