Pu H.Rohluna, Trade & Commerce Minister chuan vawiin khan New Market Building (Phase-I) lungphum a phum. He inkhawmah hian Pu Joseph Lalhimpuia, Parliamentary Secretary, Trade & Commerce leh Lt.Col. Z.S Zuala, Parliamentary Secretary, Home leh Dawrpui leh Chhinga Veng khawtlang hruaitute an tel a ni.

Pu Rohluna chuan New Market building thar a taka sak tan ani thei chu lawmawm atih thu sawiin, he building sakna sum hmuh hi kan zavaia thawhhona vang a ni a ti. Minister chuan helai hmu hi chhungkua tamtak eizawnna hmun anih mai bakah mipui mimir in mamawh an phuhrutna hmun anih avangin kan enkawl uluk a ngai ani ati. Trade & Commerce hmalakna hrang hrang sawiin Minister chuan department in Market 224 a enkawl mek atanga Sorkar-ah cheng nuai 139 tunkum chhunga chhunluh anih tawh thu te a sawi a, Mission Veng ah leh Vairengte ah market sak that anih tur thute a sawi bawk.

Pu Joseph Lalhimpuia chuan sawrkarin mipui tan building tha tak min pe a, a enkawl leh a vawn thianghlim hi kan kutah a awm a ni a ti.

New Market building hi cheng vaibelchhe 13 senga sak tur a ni a, tunah hian cheng nuai 468 chu pek a ni tawh. Building hi chhawng kua a sak tur niin Floor tin hi a chhung lamah step-in a connect vek ang a, pawn lamah pawh a sir lehlam lehlamah step a awm bawk ang. A chhuatah Kota Stone hman a ni ang a, Fire Safety pawh ruahmanna siam a ni ang. Rain Water Harvesting hi chhawng 9 lai anih dawn avangin Lift dah tum a ni. Power Supply awm lo palh pawh a he market building chung hi a thim loh nan Generator dah a ni dawn bawk a ni.