Vawiin chawhma dar 11 khan Pu H. Zothangliana, Parliamentary Secretary Higher & Technical Education leh Lawngtlai East bialtu MLA ni bawk chuan Strengthening of Bualpui 'Ng'Higher Secondary School leh Govt. High School building sak thar a hawng.

Hawnna inkhawmah hian Khuallian Pu H.Zothangliana chuan Bualpui Ng khua hi pi leh pu hun atanga zirna hmun pawimawh leh bul tanna khua a nih thu sawiin, Zirnnaah hian mithiam theite aiin mi taima leh tumruh, thawkrimte an hlawhtlin fo thin thu sawiin.Sum tlemte hmanga Bualpui Ng Higher Secondary School Managing Board Committee -in School Building tha tak an sa chu lawmawm a tiin entawntlak a tih thu a sawi a.Zirlaite chu February ni 14, 2014-a Lawngtlai a MPSC Examination Centre hawn thar hmang tangkai turin a chah a, zirna kawnga mi thiam tak takte hnazawnna kawngah an chuan ngai loh thu fuihna thu chah sawi bawk a ni.Heng School building hawn tharte hi zirna awmze nei kalpuina hmun a nih theih nan leh zirlaiten thiamna tak tak an puak chhuahna hmun a nih theih nan zirtirtute leh zirlaite tan la turin a nchah bawk.

Bualpui Ng Higher Secondary School Building Strengthening hi RMSA, Mizoram hnuaiah Rs. 34,24,630/- senga thawh zawh a ni a, Class IX & X Room, Computer Room, Laboratory Room, Headmaster Room leh Teachers Common Room pakhat theuh bakah mipa leh hmeichhe Toilet room pakhat ve ve siam a ni. Bualpui 'Ng' Higher School building hi cheng nuai 4 senga sak a ni.

He School building thar hawnna inkhawm hi Pu PT. Lalchuanglura, Chairman, Managing Board Committee, BHSS & MDC, LADC Bualpui NG - 'W'-in a kaihruai a, Pu Rualirha, Chairman, LADC, Pu Lalrinchhana, Dy. D.P.C. Lawngtlai, Pu F.Hranglura, E.M., Pu T.Lalbiakmuana, E.M. te bakah mi pawimawh thahnem takin an tawiawm a ni.