He thu hi Land  Revenue & Settlement Minister Pu R. Romawia chuan, Durtlang North Community Hall-a MUP Aizawl North Area Conference a hmanpuina a a sawi a ni.

Minister chuan pi leh pute atanga Mizoram a lo cheng tawh huan leh lo ram chu sawi loh, inhmun te tak te pawh nei zo lo tam tak an awm a. Chutih laiin mi hausa tak tak huan leh lo, ram chungchanga huam hap em em mai ten compensation duhin Pathian thil thlawn pek hi chiah puam ah an chantir mek a. Heng thil a duhamna hi Pathian mit naute khawihna a ni a, ram leh ro inchuh avangin  nakin lawkah chuan mihring nunna hial inlak sakna te pawh Mizoram ah a la thleng chho thei tlat a. Ukil ten thubuai an buaipui tam ber ber te leh hlawk ber ber te chu ram inchuh chungchang a ni tawh a. Chuvangin kan insiamthat vat a ngai a ni a ti a.

Mi pakhat a mize pathum nei ang maiin YMA ah tlawmngaih kan chhuah a, Kohhran ah thawhtu nih kan inhuam laiin  Sawrkar lakah chuan kutdawh rilru pu ang main thil engkim kan phut vek thung a. Mahni tih theih tawk, kawmchara tuihawk luanna siamthat te leh kan kawtkai a kawng khuar te chu midang leh mahni tana harsatna thlen thei a ni tih hrereng siin sawrkar tih ah kan khek tlat zel mai te hi hnam anga kan in enfiah a ngai ani a ti a. Minister hian upa te hlutna sawiin tun ang zela thlahtu te leh aia upa ngaipawimawh lova kan than chhoh pui zel chuan hnam angin kan la chimit ang tih a hlauhawm tak zet a ni a ti.

Vawiina Aizawl North Area MUP Conference hi a vawi 24-na a ni a. Programme hi hun hnih ah then in intihhlimna hunt e an hmang a, tlaiah ruai an theh ho nghal a ni.