Pu. J.H Rothuama Revenue Minister chuan nimin khan Damparengpui khua leh Salem Boarding a tlawh.
Amah lo hmuaktu mipui leh Sikul naupangte hma-ah thu sawiin 13 Nov., 2009 a Bungthuam tlangval Zarzokima misual kawhmawh bawlte’n rawng taka an kahhlum avanga buaina sosangin Mizoram a Bru te’n chhiatna an tawk hi Sorkar chuan pawi a ti takzet a, hemi denchhena harsatna nasa zawk a thlen loh nan Sorkar chuan theihtawpin hma a la nghal a ni a ti. Minister chuan Mizoramah hnam hrang hrangte kan cheng a, chung ho chu lungrual tak leh thlamuang taka chen hova Sawrkarin hmasawnna hna a thawhte pawh rual taka a zar kan zo tlan theih tura ruahmanna a siam mek laia harsatna siamtu an awm hi a pawi takzet a, hetiang mi hi Sorkar chuan a dim dawn lo a ni tiin hel inpe duh lote chu mangthak khawpin kan bei ang ati bawk. Venghimtu sipaite hmun tinah duty tir an niin buaina a chhuah tawh loh nan dah an ni a, thlamuang taka awm turin Minister hian mipuite a ngen bawk a ni, Minister chuan tun tuma vanduaina tawkte tanpuina tur hi Sorkar hotute’n an ruahman vek tawh a, rei lo te ah a tuartute hnenah pek an ni ang a ti bawk. Minister chuan buaina nasa zawk a chhuah loh nana hmalatu Sorkar hnathawkte leh NGO te chungah lawmthu a sawi bawk a ni.
Damparengpui-ah hian In Panga (5) kangin heng in kangte hi a hmunah kalin Minister hian a en nghal bawk a ni. In kangte hi 17.11.09 hian khawtlangin hnatlangin sak sak an tum a, chung ho thingpui in nan Minister hian Rs 1000/- a pe bawk a ni.
Damparengpui V/C leh NGO hrang hrangte chuan Dt 13/11/09 a Tv. Zarzokima thihna leh Damparengpui khawtlangin Dt 14/11/09 a chhiatna an tawh chungchangah hetiang hian Sorkarah thu an theh lut nghal bawk-
“Tv. Zarzokima rawng taka thattu hi kan dem takzet a, He mi avanga nunau pawisawilote’n an tuar hi pawi kan ti a, thleng tawh lo se kan duh hle, tin, tualthattute hi Sorkarin rang takin man se, an phu tawk hremna pe se kan duh hle a ni” tiin Damparengpui V/C President S.T Vanlalzauva leh V/C Secretary A. Laldinthara ten hming an ziak a ni.
Minister hi Rev. Robawiha, K.Lalrohlua SDO (Civil) W. Phaileng, Pu Lalramthanga President Dampa Group YMA, Pu J. Lalramzauva Private Secretary leh Official engngemaw zatin an tawiawm a ni
Damparengpui-ah hian In Panga (5) kangin heng in kangte hi a hmunah kalin Minister hian a en nghal bawk a ni. In kangte hi 17.11.09 hian khawtlangin hnatlangin sak sak an tum a, chung ho thingpui in nan Minister hian Rs 1000/- a pe bawk a ni.
Damparengpui V/C leh NGO hrang hrangte chuan Dt 13/11/09 a Tv. Zarzokima thihna leh Damparengpui khawtlangin Dt 14/11/09 a chhiatna an tawh chungchangah hetiang hian Sorkarah thu an theh lut nghal bawk-
“Tv. Zarzokima rawng taka thattu hi kan dem takzet a, He mi avanga nunau pawisawilote’n an tuar hi pawi kan ti a, thleng tawh lo se kan duh hle, tin, tualthattute hi Sorkarin rang takin man se, an phu tawk hremna pe se kan duh hle a ni” tiin Damparengpui V/C President S.T Vanlalzauva leh V/C Secretary A. Laldinthara ten hming an ziak a ni.
Minister hi Rev. Robawiha, K.Lalrohlua SDO (Civil) W. Phaileng, Pu Lalramthanga President Dampa Group YMA, Pu J. Lalramzauva Private Secretary leh Official engngemaw zatin an tawiawm a ni
