Pu JH Rothuama MLA Chairman NLUP Implimenting Board(NIB) chuan 16.1.2014 (Ningani) atang khan Koalsib District chhung hmun thenkhat a NLUP hmalakna a hmunah a tlawh a, DC Conference hall ah Line Deptt. hrang hrangte nen meeting neiin NLUP hmalakna leh kalzel dantur an rel a, tlai lamah NLUP tanga siam Rubber Nursery variety a mi chu a tlawh a, he Nursery hi tangkai leh tha leh zual atana thuam dantur tan lakna tha te sawiho a ni.

Pu Rothuama chu Horticulture Department in NLUP atana serthlum nursery mimal Pu P. Lalmalsawma siam chu tlawh pui a ni a. He nursery atang hian NLUP benefeciaries Kolasib District bakah District dang thenkhata serthlum phun tur daih pekchhuah a ni. He nursery ah hian NLUP benefeciaries lo awm zel tur te tana serthlum tiak sem tur pawh tunah hian buatsaih leh mek a ni.

Nimin khan Meidum hmuna NLUP sangha dilte tlawhin NLUP dawngtute hlawhtlinna leh thawhrimna rah a hmuh chu lawmawm tiin nasa lehzuala Deptt lam leh thawktute tang zual turin a fuih bawk. NLUP dawngtuten Red Oil Palm an chinte awlsam taka hralh theih anih theihnana Godrej Agrovet Ltd ten an buatsaih Bukvannei khua Oil Palm herna tur pawh tlawhin, oil Palm thar chhuah tam zawk neih a tul thu an lo hrilh a, he khawl hi March 2014 chhungin hman theih a hawn hman an tum thu an lo hrilh bawk.

Pu Rothuama hi Pu Zorammuana Secretary, NIB leh Pu David L.Thangliana, Chief Media Officer, NIB/I&PR ten Aizawl atangin an tawiawm a, Kolasib District NLUP Nodal Officer leh Lines Deptt. hotuten an lo tawiawm bawk a ni.