Kumin  January 7 a Chief Minister hova lo rel tawh angin District leh village level a  NLUP kalphung siam that nan District Level Implementing Committee leh District Level Monitoring Committee te chu thiatin Committee pakhat, District Level NLUP Committee(DLNC) siam a ni dawn a. Chutiang bawkin Village Level Implementing Committee leh Village Level Monitoring Committee te pawh thiatin, Village Level NLUP Committee(VLNC) din tur a ni.

Village level ah chuan VLNC hian beneficiary thlan chungchang leh beneficiary te thawh tur trade thlan chungchang a buaipui ang a. NLUP hmalakna hrang hrang leh beneficiary te harsatna te enpuiin an hmalak dan pawh a enzui ang a; NLUP hlawhtlinna tura tul apiang  a buaipui dawn a ni. Thingtlang khaw tinah VLNC hi January 31 hma a din tur leh Chairman, Secretary leh member te pawh hemi hun chhung hian ruat fel vek turin District tin Deputy Commissioner te chu hriattir an ni tawh a ni. VLNC a member indah zat tur chu hetiang hi a ni :

In 300 chin khua ah                       -           Chairman leh Secretary  te bakah  Member 5.

In 500 chin khua ah                       -           Chairman leh Secretary bakah  Member 7.

In 500 aia tam khua ah                 -           Chairman leh Secretary bakah  Member 9.

A theih ang  chinah chuan khaw tina VLNC member ah hian hmeichhe 1 tal telh tur a ni a. Village level ah leh District levela NLUP kalphung ti dang lama, VLNC leh DLNC dinna turn hian NLUP Manual chu siam that mek a ni.

Hetih lai hian NLUP 2nd, 3rd leh 4th phase beneficiary te hnena tanpuina sem chhunzawm thuai turin beneficiary te hmalakna enfiah phawt turin D.C te leh line department hotute chu hriattir an ni tawh a.  Beneficiary te hmalakna endik dan tur guideline pawh pek chhuah vek an ni tawh a. Hemi chungchanga hriatfiah duh neite chuan mahni awmna District-a D.C.te hnenah zawh fiah tur a ni.