Tualpui khua in Ni 2 (18 & 19.10.2012) chhung awh Vangpui Kut an hmang a, Land Revenue & Settlement Minister Pu JH Rothuama'n he Vangpui Kut hi nimin khan a hmanpui.
Pu JH Rothuama chuan Pathian-in Israel te hnena Kut a pekte urhsun taka an hman thin angin, kan pi leh pu te pawhin Mizo Kut pawimawh te Zu leh Sa nen uar takin an hmang thin a, heng kan Kut Ni vangthlate hi kan Sakhuana (Kristianna) sadai thiat lovin, Mizo hnam zia-rang vawng nung chung siin, ruihtheih thil tel lovin thianghlim tak leh hlim taka kan hmang ta hi a lawmawm hle a ni, a ti.
Kum tluana taima tak leh rim taka Lo lam hnathawhte chu chawlh hahdam san a ni thin a, an thawhrimna inhlawhtlinna a thlen thin angin sorkarin kut hnathawktute dinchhuahna tura NLUP a sem mek dawngtute pawhin tumruhna leh taimakna nena thawktute chuan dinchhuahpui dawn thu tarlangin, hlawhtlinpui ngei tura tanla a, rilru thar pu tura a chah bakah NLUP 3rd Phase pawh nakumah sem anih tur thu Pu JH Rothuama chuan a sawi.
Pu JH Rothuama chuan Tualpui in BNRGSK Rs. 6,00,000.00 seng a a sak chu hawngin sorkar ko eih tur chuan mamawhna hriattir tura hnathawh that a tul thu a sawi a, Tualpui khawtlangin High School an la neih loh vangin khaw mipui thawhkhawm atangin zirtirtu an ruai chawp a, an khawtlang harsatna hi Minister hnenah an lo thlen bawk.
He Vangpui Kut hi hnam lam chi hrang hrang pholanna leh intihhlimna hrang hrang hmanga lawm a ni a, hmun hrang hrang atanga zaithiamte fuankhawmin, Champhai lam atang pawhin mi thahnem tak an kal bawk.
