Vawiin khan Ni 23-25 Oct. 2012 chhunga 67th YMA General Conference 2012, thleng tur khua Kawrtethawveng chu YMA General Conference Organising Committee peng hrang hrang te an chairman Pu Lalrinmawia Ralte Parliamentary Secretary, Bialtu MLA ni bawk hovin Kawrtethawveng YMA Information Office ah an thukhawm.
He thutkhawm ah hian Chairman,YMA General Conference Organising Committee, Pu Lalrinmawia, Ralte Parliamentary Secretary Bialtu MLA ni bawk chuan Organising Committee peng hrang hrang te hmlaknaah lawmthu a sawi a, Conference chu fel fai tak leh zo taka thlen an tum thu sawiin Sound System leh Usher form te pawh kumdanga la hman ngai loh hman tum a nih thu a sawi bawk a ni.
He thutkhawmah hian sub-Committee peng hrang hrangte an hmalakna te ngaihthlak a ni a, hmalakna kawng hrang hrangah te inbuatsaihna a tha thawkhatin Conference thleng tur hian in peihfel thawkhat a ni tawh a ni.
67th YMA General Conference thlenna tur Pandal hlanna inkhawm hi ni 21.10.2012 zan hian Kawrtethawveng khawchhung kohhran hrang hrang ten an nei dawn a ni.
YMA General thleng tu tur Kawrtethawveng YMA Organising Committee te hian Conference palai a tam thei ang ber kal turin an sawm a, Conference palai kal te YMA nun dan chhawm nung vek turin an sawm bawk a ni.
