Vawiin khan Pu John Rotluangliana, Minister FCS&CA, Transport, Tourism Bialtu MLA ni bawk chuan Rashtriya Uchchatar Shiksha Abhiyan (RUSA) hnuaia Lushai Engineer-te'n cheng Nuai 70 senga an sak Govt. Mamit College-a Smart Classroom chu a hawng.

Hawnna inkhawm Govt Mamit College Multipurpose Hall-a neihah Pu John Rotluangliana chuan thu sawiin Smart Classroom changkang tak mai hawn a ni ta chu a lawmawm hle a ni a ti a, a hming ang tak leh a nihna tur ang taka hmang tur chuan zirlaite leh zirtirtute pawh kan smart a ngai dawn a ni a ti. Mamit College a zirlaite chu tum mumal tak neia  taihmakna leh chhelna nena an zirlai zir turin a chah a, kan rama hna zahawm leh sangte chu a luah khattu kan awm lo a nih chuan hnamdang ten an luah chho zel dawn a, chuvang chuan kan ramchhunga hna sang zawk thawk thei tura tumruhna nen an zirlaite bei turin a chah bawk.

Zirlaite chu an zirlai mai bakah tawngthiam a pawimawh hle a, tawng kan thiam loh chuan khawi hmunah mah kan huaisen thei dawn lo a ni, kan ramah chauh hnathawk turin kan in dah tur a ni lova, kan nunphung leh kan khawsak dan tha lote siam thain zing tho tlai, zan mengrei ringawt nih chuan hlawhtlin a har dawn a ni a ti.

Kan ram leh hnam siamthatna tur chuan kan thalaite in pawimawh hle a, kan zirlai chauh nilo-ah pawh kan nunphung hrim hrim kan tichangkang tur a ni a ti. Zirlaite chu social media hman kawngah fimkhur tura chahin an hriatna tihzauh nan leh tangkai taka hmang thiam turin a chah bawk a ni.

Mamit College zirlaite chu an college atangin degree sang tak tak IAS, MCS a inziak tling thei an nih tih inhrethar turin a chah a, Mamit College a zirtirtute pawh Aizawl College hrang hranga thawkte nen an in an lohna a awm chuang loh avangin in tumna kha a pawimawh ber a ni a ti. Zirlaite leh zirtirtute chu vawiina hawn tak Smart Classroom chu tangkai taka hmang turin a chah a ni.

Pi Lalbiaksangi District Bawrhsap pawhin thu sawiin RUSA hnuaia Mamit College building tha tak tak mai sak a ni chu a lawmawm hle a ni a ti a, Mamit District chu Aspirational District kan nih angin Zirna leh hriselna lamah theih ang anga thuam that chhoh zel tum a ni a ti bawk.

He Smart Classrooms hawnna inkhawm hi Pu Vanramropuia, Principal, GMC chuan a kaihruai a, Pu LDV Infimate, RUSA Institutional Coordinator, Government Mamit College pawhin thusawina a nei bawk. Hawnna Programme-ah hian College zirlai leh Lecturers- te bakah khawpui chhunga Heads of Offices te, khawtlang hruaitute an tel a ni.

Bialtu MLA hian Mamit District Badminton hruaitute hmuin Mamit Bazar venga Badminton hall a tlawh a, hall chei á¹­hat dan tur te sawi hovin fur ruahtui tlak hma ngeia hall chung chih á¹­hatsak tura Association ngenna pawh tihhlawtlinsak a tum thu a hrilh.

 

 

Attachment

  • Loading attachment...