Nimin khan Pu John Rotluangliana Deputy Speaker Mamit Bialtu MLA chuan a bial chhunga Andermanik khaw thar a tlawh.

Amah lo hmuaktu Vantlang inkhawmah thusawiiin Pu John Rotluangliana Deputy Speaker, Bialtu MLA chuan Andermanik chu khaw thar ah hian Pu Nirupam Chakma nen MLA kal hmasa ber an nih thu leh he khua ah hian an hmasawnna tur ngaihtuah tur a lo kal an nih thu a sawi a, an khua chu Model Village a siam tum a nih thu te, Revenue Department lamin ruahmanna an siam anga mumal tak leh In pawh tha zawk an la sak theih a beisei thu a sawi a, Sawrkarin hma an lak hma hauhva an Sakhaw hruaitu luin hma a lo la a, kawng tha tak an lo sial a vanga a lawmthu a sawi bawk. Khawtlang hruaitu ten an khaw mamawh an lo thlente chu kumin chhung ngeia  a theih ang anga tih hlawhtlin sak a tiam bawk a ni. A sawi zelna ah Khawtlang hmasawnna mai bakah chhungtinten eizawnna nghelnget in neih theih nan NLUP pawh in dawng thuai dawn a, chu chu a nih dan tur taka hmanga, tun tuma sawrkar atanga in pawisa dawn nen tangkawpa eizawnna nghelnghet tak in neih theih ngei ka beisei a ni a ti. Pu John-a chuan Andermanik khua mai ni lovin, Mamit District hian  hmasawnna tam tak a nei  a, District chhung hmun hrang hrang ah tunah hian Community Hall, School Building, Leihlawn, Field, PHC, Tui lakna, Kalkawng leh a dangte eng emaw zat kan hawng tawh a, hawn leh mai tur pawh thahnem tak a awm a ni a ti bawk

Andermanik khua hi Dampa Tiger Reserve huam chhunga awm an nih a vangin Sawrkar laipui ruahmanna angin tuna an awm takna Thaidawr ramah hian sawn chhuah an ni a, an vaiin chhungkaw 227 an ni a, khaw thar kai an nih a vang hian khawtlang mamawh hrang hrang Kalkawng, Power Supply, Tui in tur, School, PHC leh a dangte a thar veka ngaihtuah a ngai a. chuvangin Bialtu MLa hian a kaihhnawih Department hrang hrang Officer te nen a hmunah hian an en ho nghal a ni

Pu John Rotluangliana Deputy Speaker, Bialtu MLA, hi Pu Nirupam Chakma MLA, leh District chhunga Officer ten an tawiawm a ni.