Vawiin khan LAD Conference Hall, Mamit-ah Bialtu MLA Pu John Rotluangliana Deputy Speaker chuan NLUP hnuaia Line Department hrang hrang atanga tanpuina dawngtute hnenah 2nd Phase 2nd Instalment a sem.

Inkhawm, Pu V.Lalremthanga IAS, District Bawrhsap kaihhruaiah Pu John Rotluangliana chuan mi harsa, rahbi tleu tawh ten rahbi thar an chuan kai leh theihna tur atana buatsaih sawrkar Flagship Programme NLUP hi a sem a sem zawnga kalpui a ni a, sawiselna tam tak karah pawh sawrkar hian tanpui ngaite tanpuina sem hi a chhunzawm zel dawn a ni a ti a, A dawn chauh duhtawk mai lovin a tum ang ngeia hlawhtlinpui turin Sawrkar chuan a dawngtute a beisei a ni tiin a hlawhtlinna chu in kutah a awm a ni a ti bawk.

Khuallian chuan NLUP dawngtu tura ruahman chhungkaw 120000 atangin chhungkaw 15000 Central sawrkar remtihna a telh belh leh an nih avangin a vaiin chhungkaw 135000 tuam tum a nih thu tarlangin September thla chhung hian 3rd Phase pawh tuam zawh hman tum a nih thu a sawi a, Rokhawlhna engemaw avanga hlawh chhamte tuamhlawm lehna turin Exit Protocol pawh ruahman a ni a ti, NLUP hmanga hma la, hnathawk hlei thei lo, mi chhumchhia, khawtina committee dinten an thlan chhuahte pawh Rs 20000/- in tanpui an nih tur thu tarlangin hmalak chhoh mek a ni, a ti bawk.

Khuallian chuan Central Sawrkar pawhin a tha a tih em em NLUP Scheme hi a hlawhtlin loh chuan Mizoram Kristian za a za in tihna ramah hian sawrkar mai ni lo, mipui chauh pawh niloin kan sakhuana thleng hian a hmingchhiat phah thei a ni tiin theihpa tawpa hlawhtling ngei tura hma la turin Beneficiaries te a chah bawk.

He NLUP tanpuina sem inkhawm ah hian Line Department hrang hrangten tuna an sem hmanna tur te leh hma an lak dante sawifiahna an nei a, trade hrang hrangte sum dawn erawh a in ang vek lo a ni Heng tanpuina te hi Pu John Rotluangliana Deputy Speaker chuan a sem a ni.

Mamit ah hian NLUP tanpuina hi chhungkaw 517 hnenah sem a ni.