NLUP 2nd Phase sem runpui Mizoram hmun hrang hranga neih ni, vawiin 7 August, 2013 chawhma dar 11:00 khan Vairengte-ah pawh Serlui Cluster pualin neih a ni a, bialtu MLA Pu K. Lalrinthanga’n hmanpuiin SSO(C) Pu Lalchhanhima chuan inkhawm a kaihruai a ni.

Serlui Cluster ah hian chhungkaw 536 te hnenah 2nd Phase NLUP tanpuina - Agriculture-ah 26, Vety-ah 39, Soil-ah 231, Industry-ah 56 te leh Horticulture -ah chhungkaw 116 te an ni. Forest Department an awm lova, Sericulture chuan chhungkaw 3 hnenah an lo pe tawh a ni.

Semmna hmuna kalkhawm thahnem tak hnenah hian Pu Rinthanga chuan thu sawiin ‘NLUP chu Pathian lam tang programme a nih avangin, tluang takin Central lamin kan hotute dilna an tih hlawhtlin saka, an sem thei lovang titu ten sem leh a nih takah sum lokalna lamah an buai leh a mipui hnenah thudiklo an hrilh a, mahse miretheite hnenah a nihna dik takin sum a luh takah mipui an lawm em avangin, keini pawhin sawrkarna kan chan hnu ah kan sem ve dawn, a aia tha kan sem ang te tiin bum an tum leh mek a ni, a ti.

NLUP dawng tuten rinawmna leh taimakna nen chhungkaw eizawnna tura tan la turin Pu Rina chuan a ngen bawk.