Vawiin khan Pu John Rotluangliana, FCS & CA Minister hovin Assembly Annexe ah State Consumer Protection Council an thukhawm. He meeting-ah  hian Council Member  Pu Lalrinliana Sailo, MLA; Pu K. Sangthuama, MLA; Er. Lalrinawma, MLA; Pu Lalthanliana, MLA te bakah Consumer Union member-te, tlawmngai pawl aiawh te leh department hrang hrang aiawhte an tel a ni.

Pu John Rotluangliana chuan mipuite hian kan chanvo dik tak kan hriat hi a pawimawh a, hemi kawnga min kaihruai thin tu Consumer Union leh Association te hi an tangkai hle thin a ni, a ti.

Vawiin thutkhawma an agenda te chu : 1) Consumer awareness atan hoarding signboard te siam a, mipui zin veivakte chhiar turin hmun hrang hrang, Aizawl leh District hrang hrangah siam nise. Hemi bakah Radio, Cable TV leh DDK ah te Consumer te tana tangkai slogan, news puan dawna emaw puan laia chhuah tur siam nise. 2) Higher & Technical Education Department hnuaia College hrang hrangah consumer awareness inzirtirna pek nise. 3) Power & Electricity Department chungchangah consumer awareness neih nise tih leh 4) Mizoram Consumer Union te hmalakna hrang hrang sawiho a ni.