Pu John Rotluangliana, Food, Civil Supplies & Consumer Affairs Minister hovin vawiin khan a office chamber-ah Aizawl khawchhunga LPG Distributors te nen inkawmhona an nei. He inkawmhonaah hian Pu T.T.Zothansanga, Parliamentary Secretary, Pu R.Lalvena, IAS, Secretary, FCS & CA leh sorkar mi pawimawh dangte an tel.

Pu John Rotluangliana chuan LPG Distributors leh sorkar thahnemngaihna zarah July thla hian LPG Mizoramin a hmuh zat chu thla hmasa aiin bur 29355-in a pung a, hei hi lawmawm a tiin tha taka thawkho chhunzawm zel turin a sawm.

Vawiin meeting-ah hian LPG Distributors te chuan an harsatna hrang hrangte Minister hnenah an thlen a, Aizawl khawchhungah hian LPG Distributors 11 an awm a, July thla chhung khan LPG bur 71321 tih thlen a ni.