Pu John Rotluangliana, Minister Food Civil Supplies & Consumer Affairs, Transport, Tourism chuan a bial chhung khaw hrang hrang Tuipuibari, Rajiv Nagar, Andermanik, Khantlang leh Damparengpui khuate a tlawh.

Pu John-a hian a bial chhung khaw hrang hranga amah lo lawmtu mipuite hmaah thusawiin, ram leh hnam, khawtlang tana lungrual taka thawk tlang zel turin a sawm.

Transport Minister chuan Rajiv Nagar to Khantlang kawng chu NEDP sum Rs 70 senga siam a ni dawn a, PWD Department te chuan Departmental Work-in an thawk nghal dawn a ni a ti.

Minister chuan a bial chhung khaw kilkhawr ber pawh a theihnghilh ngai loh thu sawiin Tuipuibari PHC chu Staff Quarter sak hna tan a ni dawn a. Tun atanga reiloteah chuan damdawi In changtlung tak bun a nih dawn avangin damlo mangangte tan pawh awlsam zawkin hnaite-ah an inentir theih dawn thu a sawi bawk.

Pu John Rotluangliana Bialtu MLA hian Rajiv Nagar to Khantlang kawng NEDP sum hmanga thawmthat tum mek chu a hmunah a tlawh nghal bawk a ni.