Vawiin chawhnu dar dar 1:00 khan State Bank of India Hnahthial Branch in ATM an dah thar chu Mizoram State Law Commission Chairman Pu John Siamkunga, MLA chuan mipui hman theih turin a hawng.

Pu John Siamkunga chuan Hnahthialin ATM thar an neih theihna tura hmalatu hrang hrang te bakah a bik takin SDO (C) Pu Kannan-a a tangkai thu leh bialchhungah hna in sem diah diahin Hnahthial leh a chhehvel changkanna tura sorkar hnathawk leh officer ten an ngenna an tih hlawhtin sakna ah leh tanrualna ah lawmthu a sawi a. Tunah hman theih tura ATM hawn a ni ta chu a lawmawm em em a ni tiin tunlaiah changkanna hrang hrang awm tawh in heng hian awlsamna a thlen a, hetianga hmasawnna Hnahthial khawpuiin an neih belhah a lawm zia a sawi.

Hawnna inkhawm Susant Kumar Behera, Branch Manager SBI Hnahthial kaihhruaiah hian SDO (C) Pu Kannan Gopinathan, IAS pawhin thu sawiin, ATM neihna a nih theihna tura dilna ngaihtuah saktu Pi Arundhati Bhattacharya, SBI Chairman chungah lawmthu a sawi a, Pu Raghukumar AGM, ATM SBI Mumbai te, Pu Thuama, GM SBI Guwahati te, Pu Behera, SBI Hnahthial Branch Manager chungah lawmthu a sawi. Jan Dhan Yojana hnuai a Accidental Insurance System ah hian tel theuh turin mipui te a sawm a, a tir a Rs. 12/- (chu chu thlatin Re 1) pek hian vanduaina tawh palhin Rs. Nuai 2 thleng a hmuh theih a. He Sorkar hmalakna pawimawh tak hi mi tinten kan chhawr theihna turin Bank te pawh hma la a, special drive nei turin a sawm bawk a ni.