UD&PA Champhai buatsaihin Champhai khaw chhunga kawngsira inzuar (street vendors)-te puihbawmna Champhai khawchhunga kengkawh tur, 'The Mizoram State Vendors Act & Rules' chungchangah Officer-te leh khawtlang hruaitute bakah tlawmngai pawl hruaitute tan ni hnih awh inzirtirna runpui Champhai I&PR Conference Hall-ah neih a ni. Champhai khaw chhunga Sorkar Office hotute tan vawiin khan training hi neih a ni a, nimin (12.11.2015) khan VC-te leh NGO-te tan zirtirna hi pek a ni tawh bawk.

Training hun hi Pi V.Lalmuanpuii, DUDO chuan kaihruaiin, kawngsira inzuar te mumal zawk a dan hnuaia kalpui dan tur leh an mahni chawi kan dan tur hi he Act & Rules hian a tum ber nih thu a sawi a. Street Vendors-te hi economy thang zelah hna pawimawh tak thawk tu te an nih avangin he dan hian humhalh a chawikan hi a tum tlat a ni a ti a. Chumi atan chuan a kengkawh tur mawhphurhna changtuten he Dan hi an hriat chian a, midang hnena zirtirna pawh pe zel thei turin training hlawhtling tak an neih a beisei thu a sawi bawk.

Ni hnih chhung training-ah hian 'Introduction to NULM', 'The Mizoram State Vendors Act & Rules', 'Food Safety & Hygene and Waste Disposal', AIDS/HIV Awareness leh Street Vending kaihhnawiha Law & Order-ah te zirtirna ngaihthlak a ni. Pu VL Lura Hauzel, Addl. SP, Dr. R. Zonunmawii, District Hospital; Pi C.Ramdinmawii Asst. Director Food & Drugs, Pi Lalrinngheti Manager SM&I leh Pi Malsawmdawngliani, SMM (SM&I) Aizawl ten zirtir hi an pe a ni.