Ni 27 January 2016 (Thawhlehni) khan Residential Ballroom, Vivanta by Taj president, Mumbai-ah Ratan Tata, Chairman, Tata Trusts chuan Rampum huapin Tata Trusts hmalakna Connected Learning Initiatives (CLix) chu a hawng. He hun a Chief Minister aiawh a tel Pu Joseph Lalhimpuia, Parliamentarty Secretary, School Education  chuan Ratan Tata, Chairman Tata Trust nen inkawmna hun  remchang tak an ni.

Pu Joseph Lalhimpuia chuan Mizoramah  Zirna Formal Education 1894 khan neih tan chauh a ni a, 1994-ah High School hawn tan chauh a ni bawk a, chutichung in zirna ah Mizoram in  hma kan sawn nasa hle a, tunah phei chuan India rampumah ziak leh chhiar tam lamah pawh a ti tha ber ta zingah chhiar tel kan nih chhoh dan te a hrilh a. Clix Programme hnuaia High School a English, mathematics leh Science zirna lama hmalakna kalpui mek in hmasawnna nasa tak a thlen ngei a beisei thu a sawirualin Mizoram chhunga Zirna in ten Sport infrastructure a hranpa a nei lo chung pawha zirlai naupangten Sports lama talent an neih that zia leh hma an sawn natsatzia te sawiin hetiang lam a hma lak nih ve leh se Sport lamah pawh nasa zawk a hmasawn a beisei thu  te a hrilh a, hmasawnna ruhrel kan la neih loh dante te sawipuiin, zirlaite hian infiamna hmunhma tha an neih theihna turin Tata Trust hian hmalak pui turin a ngen nghal a ni.

He inkawmna hunah hian Pu Ratan Tata pawhin mizo naupangte Sports lama hma an sawn nasatzia a hriat thu a lo hrilh ve bawk a. a theih chinchin a puih an inhuam thu an hrilh a ni.

Parliamentary Secretary chuan TATA Trust in SSA hnuaia Sport Academy 60 an buatsaih turah pawh a luanching Programme ah lo tel turin Pu Ratan Tata hi a sawm nghal a, a ni  hian lo tel theih ve ngei  a duh thu a lo hrilh  bawk a ni.

CLix programme hi High School thlan bik 30 ah tan phawt a ni ang a, kum 3 chhungin School 200 Cover tur a beisei a ni. Clix (Connected Learning Initiative) hi TATA Trusts, hnuaia Tata Institute of Social Science (TISS) leh Massachusets Institute of Technology (MIT)( USA te thawh hona atanga duan chhuah a ni a, High School a Mathematics, Science leh Communuication English te naupang in ICT hmanga thiamna tak tak an neih theih nana duan a ni.