Vawiin chawhnu dar 2:00 khan Lunglei Venglai a MGNREGAS hnuaia Step cheng nuai 21 sing 2 leh sang 1 senga siam leh BNRGSK Building cheng nuai 9 sing 9 leh sang 9 seng a sak chu Pu Joseph Lalhimpuia, Vice Chairman HPC, Lunglei in a hawng.

Hawnna inkhawm hi Pu C.Lalhmingmuana, VCP Venglai in kaihruai in Pu Mahima chuan thusawina neiin Venglai VC ten kawr chunga Step an siam hi ropui a ti a. Lunglei tan chuan thil chhinchhiah thlak tak ani a, mipui vantlang tan tangkai tak a hmang theuh turin a duhthu a sawi. He step hi a dung 130M. leh a vang 5ft. a ni. He hun hman zawh hnu hian BNRGSK Building Venglai VC te sak tho chu a hawng bawk ani.Venglai chhung ah hian sawrkar hmalakna leh hmasawnna tam tak hmuhtur a awm a, VC te leh khawtlang nu leh pa te inpekna rah a ni Pu Mahima chuan ati. Khawtlang hmangaihna nen a tan ho chuan kawng a awm a, Inlungrualna, Inpumkhatna chuan hmasawnna tam tak in la neih ngei a beisei thu a sawi bawk.