Tukin zing khan Pu Joseph Lalhimpuia Parliamentary Secretary School Education, Industies etc.changtu chuan Darzo khua a tlawh a, Zirtirtu leh Khawtlang hruaitu thahnem takin an lo dawng sawngin kawmna hun an nei a, Khawtlang hruaitute hian Darzo khua a tlawh avanga lawmthu sawiin tuk thuan an lo buatsaih sak a ni.

Pu Mahima chuan Darzo khua chu Mizoram zirna bul tanna hmun hmasa a nih thu leh Darzo School atangin Zoram tan mithiam tak tak an lo chhuah tawh thu sawiin zirna kawngah theihtawp chhuah zel turin a chah a ni. Darzo khawtlang hian Zirtirtu hmasa Pu Liandala (Hla phuah thiam) inhmun chu tun thleng hian an la humhalh a, a mah hriatreng nan a in pawh an la sa thar reng thin a. Pu Mahima chuan Pu Liandala(A pu) tun thleng a an la hrereng leh a in hmun hial an la humhalh chu lawmthu sawiin Bialtu MLA nen tang tlangin kumtawp lamah Thu leh Hla Kut pui buatsaih an tum thu a sawi bawk.

Zirlaite leh Games & Sport tan infiamna hmanrua engemaw zat a pe bawk a ni.