Nimin Ni. 23.2.2016 khan North Eastern Region Textile Promotion Scheme (NERTPS) hnuaia Cluster Development Project atan Sawlengah Handloom Cluster-a puantah zirchhuak mi 70 hnenah workshed sakna tur mi pakhat tan Rs. 26,000/- leh thla li (4) a tan Stipend mi pakhat tan Rs. 2,400/-, a vaiin Rs. 19,88,000/- chu Tuivawl biaitu MLA Pu R.L. Pianmawia’n a sem.

Bialtu MLA chuan puantah zirzote chu pawisa pek chhan ang taka hma la theuh turin a fuih a, puantah lama entawn tlak ni tur leh hlawhtlinpui ngei turin zirchhuakte a ngen bawk. Bialtu MLA chuan Puantah zirchhuakte hman turin Puan banna in pali (4) sakna tur a tumsak dawn tih a sawi lang bawk. He hun hi Pu C. Lalchhandama Project Manager leh thawktu dangten an hmanpui bawk a ni. Sawleng hi Mizorama Cluster Development Project khaw pasarih thlan chhuah zingah telh a ni a.

Cluster Development Project-a telh a nih theih nan a hmalatute: Pu H. Rohluna, Minister leh Pu Joseph Lalhimpuia, Parliamentary Secretary te chungah khawtlang mipui an lawm hle a ni.