Vawiin (July ni 23, inrinni) chawhnu dar 1 khan School Education changtu Parliamentary Secretary Pu Joseph Lalhimpuia chuan Ethel-i thiante thuziak dah khawmna lehkhabu "ethel" tih chu I&PR Auditorium-ah a tlangzarh.

Pu Joseph Lalhimpuia chuan lehkhabu hlutna leh thil a tih theihzia sawiin, lehkhabu tha chuan mi a tifingin a tichak a, mite tana malsawmna thlentu a ni thin, a ti a. Tunlai khawvelah miin lehkha an chhiar tawh mang lo va, lehkhabu chhuah pawh a hlawk lo em em a; chuti chunga thenkhatin an la ziak tang tang thin chu lawmawm a tih thu sawiin, ram tan vanneihna leh hmasawnna thlentu an nih ngei a beisei thu a sawi.

Tlangzarh inkhawm hi Pu PL Liandinga'n kaihruaiin, VLC Vanlalhriatrenga'n hunserh a hmang a. Pu Lalrammawia Ngente chuan lehkhabu thlir lawkna hun hmangin, mi hrang hrang thu sawi leh zai te ngaihthlak a ni bawk.

Vawiina tlangzarh tak "ethel"-ah hian mi 25 thuziak khung khawm niin, Rs 150 man a ni.