Ni 6.7.2013 (Inrinni) khan Chhingchhip Venglai a MHIP Day hmanna ah Bialtu MLA Pu K.Lianzuala,Chairman Mizoram KVI Board chuan khuallian niin a hmanpui

Khuallian Pu K.Lianzuala MLA chuan khawvel mihringte hi hmeichhe hrin loh tumah kan awm loh avangin Hmeichhiate hi in ropui a, ngaih nep loh theih in ni lo, hmeichhe awm lohna chhungkua chu a tlabal a, Chhungkaw nu in fate tha tak a a enkawlna chhungkua atangin fa sual an awm mang lo a ni” a ti a, chhungkaw enkawlna kawngah tan la thar sauh sauh turin MHIP member-te a fuih.

Khuallian chuan “Mizoten vaihlo leh a kaihhnawih zuk leh hmuam kan uar lutuk hian hrisel lohna min thlen nasa a, MHIP member ten ruihhlo do kawng a hmain lo lak tawhna zawng zawng te hi a ropui a, theih tawp chhuah a do zel turin MHIP member te insang mar zel teh u” ti in a fuih.

Khuallian chuan “Sorkar hmalakna avanga Chhingchhip khua a Sainik School lo awm ta mai hi a vanneih thlak a, Sainik School din theih nana cheng khat mah phut lova ram pe tute hi an chhuanawm tak meuh a ni” a ti. Pu K.Lianzuala MLA chuan Sorkar hmalakna a hlawhtlin theih nan MHIP Member ten Sorkar tawiawm thin tur in a chah bawk.

Pu K.Lianzuala hi a nupui Pi Zothankimi Pachuau in a tawiawm a ni.