Vawiin chawhma dar 10:30 khan Sericulture Department buatsaihin Serchhip leh a chhehvel khaw hrang hrang atanga Sericulture Farmers thlan bik 50 te tan District Office Training Hall, IOC Veng Serchhip-ah Beneficiary Empowerment Programme (BEP) neih a ni a, he training hi NLUP benificiaries ten pangang khawi an hlawhtlinpui ngei theihna atana a bik taka buatsaih a ni.

He training-ah hian mithiamten thingtheihmu huan enkawl dan te, pangang vulh dan leh hlawk zawk a cocoon thar chhuah dan te, cocoon sawngbawl dan leh hralh chhuah chungchanga farmer-te hriattur pawimawhte an zirtir a ni.

Serchhip District Sericulture Officer Pu V. Zothansanga chuan farmer-te chu taima taka thawk tur leh an tanpuina dawnte pawh an nihna tur taka hmang ngei turin a chah a, an cocoon tharchhuah chu department approved rate angin sawrkar-in a lei vek dawn a ni tiin mimal cocoon thar tamte hnenah pawh lawmman tha tak department-in a siamsak dawn thu a sawi bawk.