1012/2022-2023
Lunglei District hmun thenkhatah mi thenkhatin kan ranvulhte khawlaiah kan chhuah thin tih hriat a ni a, hengte hian khawlai a ti bawlhhlawhin, huan thlai te an ti chhe thin a ni.

Chuvangin kan khawtlang alo thianghlim zawk nan "The Mizoram Animal(Control & Taxation) Act, 2014'' a tarlan angin Village Council tin ten a hnuaia mi ang hian thuneihna leh mawhphurhna kan nei a, hma lo la chhunzawm tura beisei kan ni.

The Mizoram Animal (Control & Taxation) Act, 2014 Chapter-II in ran khuahkhirh dan tur a tarlan angin:

Section 3:
1) Ran reng reng vengtu awm loin kan thlah zalen mai mai tur a ni lo.
2) Ran neitu tumahin a ran chu mi huan leh ram, mimal ta emaw vantlang ta emaw chhungah a luhtir tur a ni lo.

Section 4. Rante chu hetiang hian khuahkhirh tur a ni:
1) Arleh Vawk: Ar leh Vawk-te chu a bawmah khung tur a ni.
2) Kel: (a) Kel neitu chuan a vengtu awmin emaw, hruia thlungin emaw a tlattir thei.
(b) Kel neitu chuan a kelte chu zanah a bawmah a khung emaw hruiin a thlung tur a ni.
3) Bawngpui, Bawngpa, Sial, Sakawr leh Lawi te chu Clause(b) a sawi-kel ang bawkin emaw a khuahkhirh tur a ni.
4) Heng a chung ami bak ransa dangte chu a hungna emaw, daidanna siam emaw a thlunna tur hrui hmanga nghet taka thlun tur an ni ang.

Section 5.
Vantlang tana rimchhia leh harsatna siam lo turin ran te chu fai taka enkawl tur a ni.

Section 6.
1) Ran enkawlte zalen taka an tlat na turin Village Council ten a tul an ti a nih chuan state sorkar phalnain ram an hauh thei ang.
2) Heng a chunga sawi bakah hian ran tlatna hmun enkawl chungchangah, thupek kenkawh a nih theihna turin Village Council chuan state Sorkarah phalna la hmasa in thupek a chhuah thei ang.

The Mizoram Animal (Control and Taxation) Act, 2014 Chapter III in ran man theihna dan (Procedure for seizure of animals) a tarlan angin:

Section 7.
(1) Lo leh huan neitu chuan a ram chhunga ran tla leh pawi khawih chu manin Village Council President,Vice President, Member leh Secretary tu emaw ber hnenah a hlan thei a, a ni chuan ran chu an ran hrenna tur hmun Village Council ruatah a thluntir ang.
(2) Sub-section (1) a sawi angin mi ram chhunga a ran tla, thil tichhia chu a ram neituin man tumin um ta sela, a tlan chhiatna lamah chu ran chu tlu sual emaw, khama lumin emaw lo thi palh ta se, ram neituin ran neitu hnenah zangnadawmna pek a tul lovang.
(3) Village Council chuan Sub-Section(1) leh Sub-Section(2) a hnuaia ran man an kuta hlante chhinchhiahna register a vawng ang.
(4) Chutiang ran man Village Council kuta hlante chu hetiang hian reigister-ah ziah luh tur an ni:
a. Number leh ran pianhmang sawiin.
b. A ni leh darkar chhinchhiahin.
c. Ran mantu hming leh chenna tarlangin.
d. Hriat a nih chuan ran neitu hming leh chenna sawiin(A neitu hriat a nih chuan a rawn mantu emaw, a agent hnenah a copy pek tur a ni.)
(5) Ran man a awm chuan Village Council chuan darkar 24 ral hmain Tlangau hmangin mipui hnenah a puang ang.

Section 8. Ran man chaw leh Tui pek :
(1) Ran man chu riltamin dah tur a ni lo. Village Council-in chaw leh tui a pe tur a ni.
(2) Chutianga ran man, chawm man chu Sorkar bituk zat Village Council chuan ran neitu hnen atangin a la ang.

Section 9.
(1) Ran man neitu emaw a ai awh emaw chuan a ran chu a la kir thei a mahse, ran chawm man Section 8(2)-a chuang leh ran thlahdah man lei chawi Sorkar bithliah zat Village Council kutah a pe tur a ni.
(2) Ran man la chhuaktu chuan Village Council kawl register-ah chuan a dawng kir ngei tih lan nan a hming a ziak tur a ni.

Section 10.
(1) Ni sarih chhunga ran mante chu tlan(claimed) an nih loh chuan Village Council-in lilamin a tiral thei ang.
(2) Ran neitu in a rante chu ni sarih ral hmain lak kir tum sela, ran chawm man leh ran thlahdah man Section 9-a sawite a pek si loh chuan Village Council chuan chung rante chu a zavilin emaw a then a zar emaw, tul a tih zat a lilam thei Amaherawhchu, lilam atang chuan ran man pangngai hmu thei dawn lova a inhriat chuan tha a tih ang kawng dangin Village Council chuan a tiral thei ang.
(3) Village Council member tupawh, Secretary leh an mi rawihte an chhungte pawhin chutiang an ran tilam chu anmahni hmingin emaw, midang hmingin emaw an chhang tur a ni lo.
(4) Ran lilam man chu Village Council Fund ah chhun luh a ni ang. A hralhna atanga sum hmuh chu Sub-section (1) hnuaia hralhna kalpui a nih chuan a neitu hnenah pekkir leh tur a ni a, a hralhna atanga sum hmuh chu ni 15 chhunga claim a siam a, a hralhna atanga sum hmuh chu a rualin feeding charge nen a deposit ang a, pawisa chawi tur pawh a dah tel bawk ang.

The Mizoram Animal (Control & Taxation) Act, 2014 Chapter-V in hremna (penalties) a tarlan angin:

Section 15.
(1) Section 3,4 leh 5 bawhchhia te chu Rs 500/-thleng chawitir theih a ni ang.
(2) Ran khuahkhirh thatloh avangin mi huanthlai emaw mimal emaw vantlang tana pawi a lo khawih chuan a tihchhiat man ang hu emaw, zangnadawmna emaw pe turin ran neitu chu Village Council chuan hremna a pe thel ang.
(3) Ran kawlhin mi a sehin Doctor ten an tuk ang in enkawlna senso zawng zawng emaw, cheng 500/- emaw, a pahnihin emaw chawi kawp turin a tuartu hnena pe turin ran neitu chu hrem theih a ni.

Section 16.
Tupawh ran man tur lo dang buai emaw ran man sa, a dahna atanga mahni thua lo la chhuak emaw, ran man lai Village Council kuta hlan tura kalpui mek lo dang buai emaw chu Rs 500/- thleng chawi tir emaw lungin tantir emaw a pahnih thlenga hrem theih a ni.
Section 17.
Tupawh Section 7 hnuaia ran man sa emaw Chapter III hnuila ran man sa te lo enkawl tura ruat emaw Section 10 leh 7 kalh a lo leichhhawng an awm anih chuan Rs 500/-thlenga chawitir theih a ni ang.