634/2022-2023
Siaha; the 25th May,2022: Vawiin chawhnu dar 3:00Pm khan DC conference Room-ah Pu Laima Chozah IAS(Rtd), State Election Commissioner, Mizoram State Election Commission hovin 12th MADC General Election thlirletna(review) meeting neih a ni.

Vawiin meeting-ah hian thu sawiin, Pu Laima chuan vawiin ka lo kal chhan chu boruak muanawm tak hnuaiah Election tha taka in lo buatsaih theih avanga lawmthu sawi tura lo kal ka ni a, chuti rual chuan Election kan neih zawh taka intawnhriat(experience) atang khan eng harsatna leh rawtna te nge in neih tih te pawh hriat ka duh a, chumi atan chuan thlirletna(review) meeting hi koh ka ni,a ti.

Pu Laima chuan tun 12th MADC General Election-ah hian District Administration chungchangah complaint pakhat mah ka dawn lo laiin, an fakna che u hi ka dawng nual a, chu chuan mi ti lawm hle a ni. Election Commission leh Election official te chu football match a referee ang kan ni a, kan efficiency leh fitness ringawt a tawk lo, kan fair viau tur a ni. Tun tum 12th MADC General Election-a official te hi in efficient bakah in fair hle tih feedback ka dawng a, ka lawm hle a ni, a ti bawk.

Pu Laima chuan 12th MADC Genaral Election hlawhtling taka neih a nih theih nana thawktu zawng zawng te hnenah lawmthu ka zawi a, a bik takin District Election Officer Pu Lalsangliana leh Election official zawng zawng te hnenah Mizoram State Election Commission hmingin lawmthu ka sawi tak meuh meuh a ni,a ti bawk.

District Administration lam pawhin report pe in, vote tla percentage hi tum dang nen teh khin chuan a tha hle a. MADC staff te pawhin tum dang zawng aiin min tawiawm tha a, kan lawm tak zet a ni, an ti.

Rawtna pawh siamin, MDC thlanna atan hian MLA E/Roll hi draft E/Roll atan hmang tawh lovin, ahran liau liau(dedicated) vin MDC election tan hian E/Roll hi siam theih ni se, chu chuan harsatna tam tak sutkian a nih phah an beisei thu an tarlang bawk.

DEO Pu Lalsangliana pawhin thu sawiin, Officials, NGOs, MPF leh Siaha district mipui ten min tawiawm that bakah State Election Commission hian kan thil zawh leh sawi apiang rang(prompt) takin min lo chhangin,min tihsak zel thin hian tun tum 12th MADC General Election hi a tih hlawhtling a ni, kan Pu ber state election commissioner Pu Laima chungah pawh lawmthu District Administration hmingin ka sawi tak zet a ni, a ti.