261\/2023-2024

Siaha; the 28th April,2022: Vawiin chawhnu dar 4:00Pm khan DC conference Room-ah Pu Laima Chozah IAS(Rtd), State Election Commissioner, Mizoram State Election Commission hovin kar hmasa lawka(18th April) neih zawh tak VC Election thlirletna(review) meeting neih a ni.

Vawiin meeting-ah hian thu sawiin, Pu Laima chuan vawiin ka lo kal chhan chu boruak muanawm tak hnuaiah VC Election tha taka in lo buatsaih theih avanga lawmthu sawi tura lo kal ka ni a, chuti rual chuan Election kan neih zawh taka intawnhriat(experience) atang khan eng harsatna leh rawtna te nge in neih tih te pawh hriat ka duh a, chumi atan chuan thlirletna(review) meeting hi koh ka ni,a ti.

Pu Laima chuan tun tum VC Election kha Mizoram State Election Commission (SEC) in VC Election a buatsaih vawi 2-na a ni a. Duhthusam ang diak diak chuan thil kal tluang pur lo mahse District Election Officer kaihruaina hnuaiah VC Election officials ten theitawp chhuahin inthlanna in buatsaih tih a hriat a, lawmthu ka hril che u a ni, a ti.

Pu Laima chuan in harsatna tawh hrang hrang leh in rawtna tha tak tak atang hian Next VC Election atan SEC in tihtur pawimawh te chu a lo bawhzui zel dawn a ni, a ti bawk.

Pu Laima chuan MADC hnuaia Village Council(VC) Genaral Election hlawhtling taka neih a nih theih nana thawktu zawng zawng te hnenah lawmthu ka zawi a, a bik takin District Election Officer Pu Lalhmunsanga Hnamte leh Election official zawng zawng te hnenah Mizoram State Election Commission hmingin lawmthu ka sawi tak zet a ni,a ti bawk.

Vawiin meeting-ah hian GoM a hnuaia official te: DC, SP,Addl DC, PD DRDO leh Official dangte bakah MADC atangin Pu K.Chhuabei,EM(LAD) leh Pu K.Beingiachhie,Sr.LAO te an tel a ni.