Pu Lal Thanzara, Health & Family Welfare Minister chuan vawiin khan I&PR auditorium ah Chhingchhip Citizen Welfare in khawmpui an buatsaih chu a hmanpui. Pu John Siamkunga, MLA Chairman Mizoram Law Commission leh Er. Lalrinawma, MLA ten he hun hi an hmanpui.

Pu Lal Thanzara chuan Chhingchhip khua atang hian MLA leh Gazetted Officer 140 chuang an neih thei leh kumtin HSLC leh HSSLC result tha tak an neih thin chu Pathian hriat khua an nih vang a ni a ti. Mizoram tan he khua hian a thawh hlawk hle thin hi a lawmawm in he khawtlang hian boruak tha tak entawntlak an nei tih a tilang a ni a ti. Chhingchhip khaw hruaitute leh Tlawmngai pawl hrang hrang ten he khua a inlungrualna leh thawhhona tha tak an nei chu vawng nung zel tur leh Sainik School hlawhtlinna tura an tawiawmna chu chhunzawm zel turin a chah a ni. Pu Lal Thanzara hian Chhingchhip khaw chhuak Telephone Directory a tlangzarh nghal a.

Vawiin inkhawm hi Dr. C. Sangnghina Chairman, CCW General Headquarter in a kaihruai a, Chhingchhip khaw chhuak MLA Pu John Siamkunga, bial chhung khaw chhuak MLA Er. Lalrinawma leh HSLC leh HSSLC a titha te lawmpuina thuziak hlan an ni.