Pu Lal Thanzara, Health & Family Welfare Minister chuan vawiin khan Mizoram Youth Commission Training, Hall New Secretariat Complex-ah training zo a hna hmu te thlahna inkhawm a hmanpui. MYC leh DoNER tangkawp buatsaih Skill Training Programme a zirzo mi 52 hnenah an hnathawhna tur certificate pek an ni.

Pu Lal Thanzara chuan helai hmuna an thil zirte chuan an hnathawhna ah a tanpui ngei a beisei thu sawiin an zir loh te pawh an hnathawhna ah a awm thei a, hei hi experience atan hmang tangkai turin a chah. An hnathawhna ah tumruhna, thahnem ngaihna leh huaisenna nen thawk a Mizo hnam ti hmingtha zawnga  awm turin leh hlawhtling tur chuan teirei peih a ngaih thu a sawi. Hnathawk tura kalchhuakte chu an thawhna khua ah te Mizo community a tel a, Mizo inkhawm te a theih ang a ngaipawimawh turin a chah bawk. Mizoram sawrkar in thalai khawvel ah infiamna lamah te, hna zawnna lamah te hma nasa taka a lak thu sawiin Minister chuan Mizoram Youth Commission chuan hetiang lama hma a lak chu fakawm a tih thu a sawi.

Pu T. Sangkunga, Chairman, MYC chuan Skill Training ah leh hnazawnna lama an hmalakna hrang hrang sawina hun a hmang a. Inkhawm hi Pu Rengmaia, Member, MYC in a kaihruai a. Vawiina thlah liamte hi Jet Airways; ITC Grand Central, Mumbai; Hilton Shillim Estate Retreat & Spa, Pune; Marriott Hyderabad; The Park, Kolkata; JW Marriott Aerocity, New Delhi; Holiday Inn, Goa ah te an thawk dawn a ni.