563/2023-2024

Aizawl, 24th May, 2023: Vawiin khan School Education Minister Pu Lalchhandama Ralte chuan  HSLC Examination 2023 result tihchhuaha 4-na dinhmun luahtu  Vanmalsawmsangi d/o Laithanpuia, Sawleng Donbosco School ațanga zir chu lawmpuina leh  chawimawi nan laptop  a pe.

Minister chuan a bial chhunga zirlai rampum huapa top ten-a lang thei a awm chu lawmawm a tih thu leh chhuanawm a tih thu a sawi a, a zir chhunzawm zelna turah taimak chhuah chhunzawm zel tur leh a thiltum hlen chhuah tum ngei turin a fuih.

Minister chuan a bialchhung khaw țhenkhat a tlawh kualnaah kumin HSLC result chhuak chu hmar tlangdung tan chhinchhiah tlak tak a ni tih sawiin top ten-a lang bakah Ratu-ah phei chuan HSLC leh HSSLC candidate zawng zawngte an pass kim vek a, zirna lama hmasawnna lo lang chu a lawmawm hle a ni a ti.

Minister hi Pu H. Biakzauva, Dy Speaker leh MNF Gen. Hqrs hruaitu țhenkhatten an țawiawm a ni.