Pu Lalrinmawia Ralte, Soil & Water Conservation Minister chuan vawiin khan Mizoram Soil & Water Conservation Sub-ordinate Service Association ( MS & WCSSA ) General Conference vawi - 6 na, Soil & Water Conservation Conference Hall-ah a hmanpui a, Conference hi chawhma leh chawhnu Session ah te then niin chawhma lamah Palaite inlawmna, General Secretary leh Fin. Secretary Report te ngaihthlak a ni a. Chawhma Session hi an pawl President Pu C. Rinsangpuian a kaihruai a ni.

Pu Lalrinmawia Ralte chuan Sawrkar hnathawkte Service Matter chungchang sawiin thenkhatin Promotion an hmuh har avangin an hnathawhah an tuilo dawn dawn thin a, hmasawn tura hmalak tur a nih laiin Promotion hmu har te pawh kumtin an hlawh a pung reng a, a lawmawm zawnga thlir thiam a pawimawh a ni a ti a. Transfer & Posting chungchang sawiin Sawrkar hnathawk Transfer theih loha in ngai, Transfer & Posting a awm dawna Hotu te leh thilti thei zawk te hnena zualko ching an awm thin chu pawi a tih thu a sawi bawk.

Minister chuan S & WC department hi Department tun lai tak, tunlai mamawh khawihtu a ni a, Sawrkar laipuiin a ngaihpawimawh department a nih theih nan E & F Department chu E,F & CC Department ti a thlak a nih angin S & WC Deptt. pawh a hming tih danglam tul a rinthu a sawi a bawk.

Chawhma Session ah an Member Pension a chhuak mi 9 te thlahna neiin Member chatuan ram pan tate Mi 7 ( pasarih ) te sunna neih a ni bawk. Mi 29 (sawmhnih pakua) ten Promotion an hmuh lawmpuina te neih a ni bawk a, heng pension, Mitthi, Promotion te hi an Conference leh Conference inkar (8.05.2014 - 12.05,2016) a mite an ni. An Conference hi an Department Secretary Er. R. Lalfanliana leh Senior Officer ten an tawiawm a ni.

Chawhnu Session hi palaite Rorel leh Hruaitu thar thlanna atana hun hman a ni.