Pu Lalrinmawia Ralte, Minister of Labour, Employment & Industrial Training etc. chuan vawiin khan I & PR Auditorium-ah Hospitality, Tourism & Hotel Management zir turte thlahna inkhawm a hmanpui a. Pu Lalhmachhuana, Director, LE&IT Department & Secretary Mizoram Building & Other Construction Workers Welfare Board chuan inkhawm hi a kaihruai a ni.

Pu Lalrinmawia Ralte chuan Mizo thalaite hi kan huaisena khawi hmun pawh kan dai ngam a, kan zahpuiawm lo a ni tiin mi pahnih pathum awm that duh loh vangin midangin min hmuh dan a dang thin a, chuvangin kan fimkhur tlan a ngai a ni, a ti. Kan thalaite tan khawvel a in hawng a, thawhrimna leh taimakna nen hna an thawh chuan hmun sang tak an awh dawn a ni tih hria in an thil zirte chu mahni inthununna leh tumruhna nen tha taka zirchhuak turin a chah bawk.

Kan hnam hmasawnna anih beiseiin thangtharte chher chhoha an hmakhua thlir sak hi sorkar tum ber anih thu sawiin Minister chuan mipuiin a kalhmang hre kim lovin demna te pawh hlawh thin mahila, thalaite hnathawh tur nei lo awm mai maite tana thiamna leh hnathawh tur lo ngaihtuah sak chu sorkar tum anih avanga buatsaih thin an nih thu sawiin Mizo nih hrim hrim vanga harsatna an neih chuan sawi hreh lo tur leh thil dangah pawh harsatna an neih chuan amah emaw Youth Commission lam hotute emaw Labour & Employment hotute emaw hrilh hreh lo turin a chah.

Thlahna inkhawmah hian Pu Rodney Lalrinawma, Secretary, LE⁢ Pu JT Vanlalngheta, Secretary, Mizoram Youth Commission bakah mi pawimawh dangte an tel a ni.

Tuntumah hian thalai 41 te chuan Emporium Training & Consultancy Pvt. Ltd. Kolkata-ah training turin karleh hian Aizawl an chhuahsan ang.

Pi Jayeeti Saha, VTP Manager, Emporium Training & Consultancy Pvt. Ltd. Kolkata in training dan tur kalhmang a sawi bawk.